കൊച്ചി: വരാപ്പുഴ അതിരൂപതയുടെ മേല്നോട്ടത്തിലുള്ള ആല്ബര്ട്ടിയന് ഇന്സ്റ്റിറ്റിയൂട്ട് ഓഫ് സയന്സ് ആന്ഡ് ടെക്നോളജി (ഐസാറ്റ്) എഞ്ചിനീയറിങ് കോളേജ് കെട്ടിട സമുച്ചയത്തിലെ മാരിടൈം ഇന്സ്റ്റിറ്റിയൂട്ടിലെ നീന്തല്ക്കുളത്തിന് ലൈസന്സില്ലെന്ന് കളമശേരി നഗരസഭയുടെ ആരോഗ്യ വകുപ്പ്. മാരിടൈം ഇന്സ്റ്റിറ്റിയൂട്ടിനെക്കുറിച്ച് സിബിഐ അന്വേഷണത്തിനുള്ള സാധ്യതയും വര്ധിച്ചു.
ഇന്സ്റ്റിറ്റിയൂട്ടിന് അനുമതി നല്കിയതിലുള്പ്പെടെയുള്ള ക്രമക്കേടും അഴിമതിയും അന്വേഷിക്കണമെന്നാവശ്യപ്പെട്ട് സിബിഐക്ക് പരാതിയും പോയിട്ടുണ്ട്. വരാപ്പുഴ അതിരൂപതയുടെ അധീനതയിലുള്ള ചാരിറ്റബിള് ട്രസ്റ്റിന്റെ സ്ഥാപനം വലിയ വിവാദത്തിലാണ്. സ്ഥാപനത്തിന്റെ 40,460 ചതുര ശ്രയടിയിലെ കെട്ടിടം അനധികൃതമാണെന്നും ഉടന് പൊളിച്ചു നീക്കണമെന്നും കളമശേരി നഗരസഭാ സെക്രട്ടറി നോട്ടീസ് കൊടുത്തിരിക്കുകയാണ്.
ഇവിടത്തെ മാരിടൈം ഇന്സ്റ്റിറ്റിയൂട്ടിന്റെ പ്രവര്ത്തനത്തെക്കുറിച്ചാണ് സിബിഐക്ക് പരാതി നല്കിയത്. കേന്ദ്ര സര്ക്കാരിന്റെ നിയന്ത്രണത്തിലുള്ള ഡയറക്ടര് ജനറല് ഓഫ് ഷിപ്പിങ് ആണ് ഇതിന് പ്രവര്ത്തനാനുമതി കൊടുക്കേണ്ടത്. നിശ്ചിത മാനദണ്ഡങ്ങള് പാലിച്ചിട്ടു െണ്ടന്ന് വ്യാജരേഖ ചമച്ചാണ് അനുമ തി നേടിയത്. ഇന്സ്റ്റിറ്റിയൂട്ടിന്റേതെന്ന് രേഖയില് കാണിച്ചിരിക്കുന്ന സ്വിമ്മിങ്പൂള് അവിടത്തെ സ്പോര്ട്സ് കോംപ്ലക്സിന്റേതാണ്. ഇങ്ങനെ വ്യാജമായി അനുമതി നേടാന് സഹായിച്ചത് മര്ക്കന്റൈല് മറൈന് ഡിപ്പാര്ട്ടുമെന്റിന്റെ പ്രിന്സിപ്പല് ഓഫീസറാണെന്ന് സിബിഐക്ക് നല്കിയ പരാതിയില് പറയുന്നു. ഇന്സ്റ്റിറ്റിയൂട്ടിന്റെ ഡയറക്ടര് മര്ക്കന്റൈല് മറൈന് ഡിപ്പാര്ട്ടുമെന്റിന്റെ മുന് പ്രിന്സിപ്പല് ഓഫീസറാണ്. ഇപ്പോഴത്തെ പ്രിന്സിപ്പല് ഓഫീസര് മുന്ഗാമിയുമായി ഒത്തുകളിച്ചാണ് കൃത്രിമം കാണിച്ചതെന്നും പരാതിയില് പറയുന്നു.
കളമശേരി നഗരസഭാ സെക്രട്ടറി അനധികൃതമെന്ന് കണ്ടെത്തിയ കെട്ടിടത്തില്, വിദ്യാര്ഥികള്ക്ക് ക്ലാസ് നടത്തുന്നത് സുരക്ഷാ പ്രശ്നങ്ങള് ഉണ്ടാക്കുന്നുവെന്ന് ചൂണ്ടിക്കാട്ടി വിവരാകാശ പ്രവര്ത്തകന് വിവേക് കുമാര്, ജില്ലാ കളക്ടര്ക്ക് പരാതി നല്കിയിട്ടുണ്ട്.
