ശിവാരാധനയിലെ അനിവാര്യഘടകമായ വില്വം അഥവാ കൂവളം, ബംഗാള്, ക്യൂന്സ്, ഗോള്ഡന്ആപ്പിള്, സ്റ്റോണ് ആപ്പിള് എന്നൊക്കെ അറിയപ്പെടുന്നു. ഇംഗ്ലീഷില് ബേല് ട്രീ (ആമലഹേൃലല) എന്ന പേരിലറിയപ്പെടുന്ന കൂവളത്തിന്റെ ശാസ്ത്രനാമം എയ്ജല് മാര്മെലോസ് (അലഴഹല ാമൃാലഹീ െ(ഘ.) ഇീൃൃലമ) എന്നാണ്. റൂട്ടേസിയേ (ഞൗമേരലമല) കുടുംബാംഗമായ ഇതിന് ശാണ്ഡില്യം, ശൈലൂഷ, സദാഫല ഗ്രന്ഥിലഎന്നിങ്ങനെ പര്യായങ്ങളുണ്ട്.
പരമേശ്വരന് ഏറ്റവും ഇഷ്ടപ്പെട്ട വൃക്ഷമാണ് കൂവളം എന്നതുകൊണ്ട് ശിവദ്രുമം എന്ന പേരിലും ഈ വൃക്ഷം അറിയപ്പെടുന്നു. ഉഷ്ണവീര്യമാണ് കൂവളത്തിനുള്ളത്. കൃമിഹരവും അതീവ വിഷശമന ശക്തിയുമുള്ളതാണ് കൂവളം. വിഷം കഴിച്ച് നീലകണ്ഠനാവുകയും പാമ്പുകളെ മാലയായി ധരിക്കുകയും ചെയ്യുന്ന ശിവന് കൂവളം പ്രിയങ്കരമാവുന്നത് ഈ വൃക്ഷത്തിന്റെ ഗുണവിശേഷത്തെ പ്രതീകാത്മകമായി പറയാം. ഒരു വില്വപത്രം കൊണ്ടു ശിവാര്ച്ചന നടത്തുന്നത് കോടിക്കണക്കിനു യജ്ഞങ്ങള് ചെയ്ത ഫലത്തെ നല്കുന്നു. വഴിപാടുകള്ക്കായി അനേകായിരങ്ങള് ചെലവഴിക്കപ്പെടുമ്പോള് ദരിദ്രന് ഈശ്വരാനുഗ്രഹവും ആത്മ സംതൃപ്തിയും നേടാന് കൂവളം സഹായിക്കുന്നു.
1215 മീറ്റര് ഉയരത്തില് വളരുന്ന കൂവളത്തില് മുഴുവനായും മൊട്ടുസൂചി പോലുള്ള മുള്ളുകളുണ്ട്. സുഗന്ധവാഹിയായ കൂവള പുഷ്പം ഹരിതവര്ണ്ണത്തോടുകൂടിയതാണ്. മൂന്നിലകള് ഒത്തുചേര്ന്ന ഒരു സംയുക്ത പത്രമാണ് ഓരോ ഇലയും. മാതളത്തോട് സാദൃശ്യമുള്ള കായയ്ക്ക് പച്ചനിറവും കട്ടിയുള്ള പുറംതോടുമുണ്ട്. കായ ഉരുണ്ടതും അഞ്ചുമുതല് പന്ത്രണ്ടു സെ.മീ. വരെ വ്യാസമുള്ളതുമാണ്. പച്ച നിറമുള്ള ഇവ പാകമാകുന്നതോടെ ഇളം മഞ്ഞനിറമാകുന്നു. ഇതിന്റെ തോടിനു നല്ല കട്ടിയുണ്ട്. മെയ്,ജൂണ് മാസങ്ങളില് ഫലങ്ങള് ധാരാളമുണ്ടാകും ജൂണ് പകുതിമുതല് ജൂലൈ ആദ്യ രണ്ടാഴ്ചകള് വരെ നല്ലവണ്ണം പുഷ്പിക്കുന്ന സമയമാണ്.
ഈ വൃക്ഷത്തിന്റെ പേരില് സാന്തോടോക്സിന്, അബിലിഫെറോണ്, മാര് മേസിന്, മാര്മിന്,സ്കിമ്മിന്, തുടങ്ങിയവയും കാതലില് ഫുറോക്യനോലിന്, മാര് മേസിന്, ബിസിറ്റോസ്നിറോള് എന്നിവയും ഇലകളില് ഐജലിന്, ഐജലിനില്, ബിഫെലാന്െ്രെഡര് എന്നിവയും അടങ്ങിയിരിക്കുന്നു. പഴുത്ത കായുടെ അകത്തെ മാംസളഭാഗം ഉദര കൃമിനാശകമായി പ്രവര്ത്തിക്കുന്നു. പഴുക്കാത്ത ഫലത്തില് നിന്നെടുക്കുന്നമഞ്ഞനിറത്തിലുള്ള ചായം കാലികോപെയിന്റിംഗില് ഉപയോഗിച്ചുവരുന്നു. തളിരിലകളില് പ്രത്യേക തരം എണ്ണ അടങ്ങിയിരിക്കുന്നു.
വില്വാദിഗുളികയിലെ മുഖ്യചേരുവ കൂവളമാണ്. വേരും ഇലയും കായും ഔഷധയോഗ്യമാണ്. പ്രമേഹം,കഫം, വാതം ഇവയെ ശമിപ്പിക്കാന് കൂവളത്തിന് കഴിവുണ്ട്.വേദനയും നീരും കുറയ്ക്കാന് ഉത്തമമാണിത്. എങ്കിലും ഡോക്ടറുടെ നിര്ദ്ദേശാനുസരണം മാത്രം സേവിക്കേണ്ട ശക്തമായ മരുന്നാണിത്.
ദശമൂലങ്ങളിലെ അംഗമായ ഈ സസ്യം വില്വാദിഗുളിക, ദശമൂലാരിഷ്ടം, വില്വാദിലേഹ്യം, വില്വാദികഷായം, വില്വം പാച്ചോക്യാദി എണ്ണ തുടങ്ങിയ അനേകം ആയുര്വേദ ഔഷധങ്ങളില് അടങ്ങിയിരിക്കുന്നു. ഇലകള്ക്ക് പ്രമേഹശമന ശക്തിയുണ്ട്. ഇലയില് നിന്നും വേര്തിരിച്ചെടുക്കുന്ന തൈലത്തിനു ഫംഗസ് ബാധയെ ശമിപ്പിക്കാനുള്ള കഴിവുണ്ട്. കൂവളത്തില വാതം ശമിപ്പിക്കാനും നീര്ക്കെട്ടിനും ഉപയോഗിക്കുന്നു. വേര് കഷായത്തിനും എണ്ണ കാച്ചാനും ഉപയോഗിക്കുന്നു.
കൂവളം നട്ടാല് ഒട്ടേറെ സദ്ഫലങ്ങള് ലഭിക്കുമെന്നു പുരാണങ്ങള് പറയുന്നു. അശ്വമേധയാഗം നടത്തിയഫലം, ആയിരം പേര്ക്ക് അന്നദാനം നടത്തിയഫലം, ഗംഗ പോലുള്ള നദികളില് നീരാടിയ ഫലം, കാശി മുതല് രാമേശ്വരം വരെയുള്ള ശിവക്ഷേത്രങ്ങളില് ദര്ശനം നടത്തിയഫലം എന്നിവ ലഭിക്കുമെന്നു പറയപ്പെടുന്നു.
88488 94277
