കൊച്ചി: വലിയ ലാഭപ്രതീക്ഷ വെച്ച കൊച്ചി മെട്രോ റെയില്വേയുടെ നഷ്ടം കഴിഞ്ഞവര്ഷം 281.23 കോടിരൂപയായി. മുന് വര്ഷത്തേക്കാള് 114 കോടി കൂടുതല്. സംസ്ഥാനത്ത് വന്തുക മുടക്കുന്ന അതിവേഗപ്പാതയെക്കുറിച്ചും മറ്റും ആലോചിക്കുമ്പോള് ഇത് നല്ല വാര്ത്തയല്ല.
കെഎംആര്എല് വാര്ഷിക റിപ്പോര്ട്ട് പ്രകാരം 2018-19 പ്രതിദിനം യാത്രക്കാര് 34,588 പേര് മാത്രമാണിപ്പോള്, വരുമാനം 11.24 കോടിരൂപയും. അതേ സമയം പോയവര്ഷത്തെ പ്രവര്ത്തനച്ചെലവ് 101.3 കോടി രൂപയാണ്. മെട്രോയുടെ മഹാരാജാസ്-തൈക്കൂടം ഘട്ടംകൂടി പ്രവര്ത്തന സജ്ജമായതോടെ യാത്രക്കാര് ഇരട്ടിച്ചു, 80,000 ആയി. പക്ഷേ വരുമാനം മൂന്നു ലക്ഷത്തോളം കൂടി 14.66 ലക്ഷമേ ആയുള്ളു.
മൂന്നാം ഘട്ടം പൂര്ത്തിയാകുമ്പോള് പ്രതീക്ഷിച്ച വരുമാന നേട്ടം ആയിട്ടില്ല. 2017 ല് കണക്കാക്കുമ്പോള് ആലുവ- മഹാരാജാസ് ഘട്ടത്തില് 18.2 കിലോ മീറ്റര് ദൂരത്തില് ദിവസം രണ്ടേ മുക്കാല് ലക്ഷം യാത്രക്കാരുണ്ടാവുമെന്നാണ് കണക്കാക്കിയിരുന്നത്. പുതിയ കണക്കുകളുടെ അടിസ്ഥാനത്തില് ജെഎന് സ്റ്റേഡിയം – കാക്കനാട് ഇന്ഫോപാര്ക്ക് ലൈനിന് അംഗീകാരം അത്ര എളുപ്പമായേക്കില്ലെന്ന് ആശങ്കയുണ്ട്. കൊച്ചി മെട്രോ അടുത്ത സാമ്പത്തിക വര്ഷം കൂടുതല് സമ്മര്ദത്തിലാകാന് പോവുകയാണ്. ഫ്രഞ്ച് ഏജന്സിയായ ഏജന്സെ ഫ്രാഞ്ചൈസ് ഡെ ഡവലപ്
മെന്റ് (എഎഫ്ഡി) ല് നിന്ന് 180 മില്യണ് യൂറോ (1500 കോടി രൂപ 2014 ല് കടമെടുത്തതിന്റെ തിരിച്ചടവ് അടുത്തമാസമാണ് തുടങ്ങുക. എറണാകുളം ജില്ലാ സഹകരണ ബാങ്കിന്റെയും കാനറാ ബാങ്കിന്റെയും വായ്പ വീട്ടാനുമുണ്ട്.
