തിരുവനന്തപുരം: അറസ്റ്റിലായ മാവോയിസ്റ്റുകളായ അലന് ഷുബൈഹ്, താഹ ഫസല് എന്നിവരുടെ വിഷയത്തില് കോഴിക്കോട് സിപിഎം ജില്ലാ സെക്രട്ടറി പി. മോഹനനെ തള്ളി പി. ജയരാജന്. ഇരുവരും മാവോയിസ്റ്റുകളാണെന്ന നിലപാടില് ഉറച്ചു നില്ക്കുന്നെന്ന് ജയരാജന്.
ഫേസ്ബുക്ക് പോസ്റ്റിന്റെ പൂര്ണരൂപം- യുഎപിഎ കേസില്പെട്ട കോഴിക്കോട്ടെ രണ്ട് വിദ്യാര്ത്ഥികളുടെ വിഷയം കോണ്ഗ്രസ് നേതാക്കന്മാരുടെ വീട് സന്ദര്ശനത്തിലൂടെ വീണ്ടും ചര്ച്ചാവിഷയമായിരിക്കയാണ്.പല മാധ്യമ സുഹൃത്തുക്കളും അഭിപ്രായം ആരാഞ്ഞുകൊണ്ട് സമീപിച്ചതിനാലാണ് വീണ്ടും പ്രതികരിക്കുന്നത്. സിപിഐ എമ്മിനകത്ത് ഇക്കാര്യത്തില് ഭിന്ന നിലപാട് ഉണ്ടെന്ന് വരുത്താനാണ് ഒരു വിഭാഗം മാധ്യമങ്ങളുടെ ശ്രമം.
യുഎപിഎ കാര്യത്തിലും വിദ്യാര്ഥികളുടെ രാഷ്ട്രീയ നിലപാടിന്റെ കാര്യത്തിലും കെഎല്എഫ് കോഴിക്കോട് വേദിയിലും ഫേസ്ബുക്കിലും എന്താണോ പറഞ്ഞതും എഴുതിയതും അതില് പൂര്ണമായും ഉറച്ചുനില്ക്കുന്നു.ഫേസ്ബുക്കില് രേഖപ്പെടുത്തിയതുപോലെ എന്ഐഎ ഏറ്റെടുത്ത കേസെന്ന നിലയില് കൂടുതല് പറയാന് പ്രയാസമുണ്ട്. അതേ സമയം അതെ സമയം മാവോയിസ്റുകളെയും ഇസ്ലാമിസ്റുകളെയും തുറന്നുകാണിക്കാനുള്ള ശ്രമം തുടരേണ്ടതുമുണ്ട്.പ്രത്യേകമായി ക്യാമ്പസുകള്.
സിപിഐഎമ്മിന് ഇക്കാര്യത്തില് ഒറ്റ നിലപാടാണ്.എന്നാല് യുഡിഎഫിനോ? യുഎപിഎ കേസ് ഞങ്ങളിങേറ്റെടുക്കും എന്നാണ് പ്രതിപക്ഷ നേതാവ് രമേശ് ചെന്നിത്തല പ്രതികരിച്ചത്.ഇതേ ചെന്നിത്തല ആഭ്യന്തര മന്ത്രി ആയപ്പോള് ആണ് സെന്കുമാറിനെ ഉപയോഗപ്പെടുത്തിക്കൊണ്ട് കേരളത്തില് യുഎപിഎ നിയമം ഏറ്റവും കൂടുതല് ദുരുപയോഗം ചെയ്തത്.മോഡി സര്ക്കാര് പാര്ലമെന്റില് യുഎപിഎ നിയമ ഭേദഗതി കൊണ്ടുവന്നപ്പോള് അതിനെ എതിര്ക്കാന് ഒരൊറ്റ കോണ്ഗ്രസ്സുകാരനും ഉണ്ടായിരുന്നില്ല. ഇടതുപക്ഷം മാത്രമാണ് എതിര്ത്തത്.ജനുവരി 26 ന്റെ ഭരണഘടനാ സംരക്ഷണ മനുഷ്യ മഹാ ശൃംഖലയില് യുഡിഎഫ് അണികള് ഉള്പ്പടെ പങ്കെടുക്കും എന്ന് വന്നപ്പോളാണ് ചെന്നിത്തല ഇപ്പോള് ഒരു നാടകവുമായി ഇറങ്ങിയിരിക്കുന്നത്.അര സംഘിയാണ് ഇദ്ദേഹമെന്നു കോണ്ഗ്രസ്സുകാര്ക്ക് തന്നെ ആക്ഷേപമുണ്ട്. അതില് നിന്ന് രക്ഷപ്പെടാനുള്ള കാട്ടികൂട്ടലുകളും ആവാം.
