കൊല്ക്കത്ത: സ്വന്തം തട്ടകത്തില് ഹൈദരാബാദ് എഫ്സിയെ തകര്ത്തുവിട്ടതിന്റെ ആത്മവിശ്വാസുമായി കേരള ബ്ലാസ്റ്റേഴ്സ് ഇന്ന് വീണ്ടും കളിക്കളത്തില്. കൊല്ക്കത്തയിലെ സാള്ട്ട്ലേക്ക് സ്റ്റേഡിയത്തില് നടക്കുന്ന പോരാട്ടത്തില് എതിരാളികള് എടികെ. രാത്രി 7.30ന് കിക്കോഫ്.
ഈ സീസണിന്റെ ഉദ്ഘാടന മത്സരത്തില് കൊച്ചിയില് എടികെയെ ബ്ലാസ്റ്റേഴ്സ് തോല്പ്പിച്ചിരുന്നു. എന്നാല് അതിനുശേഷം ടൂര്ണമെന്റില് ഒരു കളി ജയിക്കാന് 11-ാം മത്സരം വരെ ബ്ലാസ്റ്റേഴ്സിന് കാത്തിരിക്കേണ്ടിവന്നു. ഇതിനിടെ അഞ്ച് സമനിലയും നാല് തോല്വികളും ബ്ലാസ്റ്റേഴ്സ് നേരിട്ടു. കഴിഞ്ഞ കളിയില് ഒന്നിനെതിരെ അഞ്ച് ഗോളുകള്ക്കാണ് ബ്ലാസ്റ്റേഴ്സ് ഹൈദരാബാദിനെ തകര്ത്തുവിട്ടത്. ഐഎസ്എല്ലിന്റെ ചരിത്രത്തില് ബ്ലാസ്റ്റേഴ്സിന്റെ ഏറ്റവും മികച്ച വിജയമാണിത്.
ഇൗ തകര്പ്പന് പ്രകടനത്തിന്റെ ആത്മവിശ്വാസമാണ് ബ്ലാസ്റ്റേഴ്സിന്റെ കൈമുതല്. അവസാന നാലില് ഇടംപിടിക്കാനുള്ള സാധ്യത നിലനിര്ത്തണമെങ്കില് ബ്ലാസ്റ്റേഴ്സിന് ഇനിയുള്ള എല്ലാ മത്സരങ്ങളും ജയിക്കണം. ഇന്നത്തേതുള്പ്പെടെ അഞ്ചെണ്ണം എവേ മത്സരമാണ്. തുടര്ച്ചയായ മൂന്ന് എവേ മത്സരങ്ങള്ക്കുശേഷമേ ബ്ലാസ്റ്റേഴ്സ് കേരളത്തില് തിരിച്ചെത്തുകയുള്ളൂ.
പരിക്കേറ്റ് പുറത്തിരുന്ന പ്രമുഖരെല്ലാം തിരിച്ചെത്തിയത് ബ്ലാസ്റ്റേഴ്സിന്റെ പ്രകടനത്തില് കാണുന്നത്. എങ്കിലും കെ.പി. രാഹുലിന് പരിക്കേറ്റത് ഷട്ടോരിയെ വിഷമത്തിലാക്കുന്നത്. വിങ്ങുകളില്ക്കൂടിയുള്ള അതിവേഗ മുന്നേറ്റത്തിന് രാഹുല് ഒരു ഊര്ജസ്രോതസ്സായിരുന്നു. ഹൈദരാബാദിനെ ഒരു ഗോളിന് പിന്നിട്ടുനിന്നശേഷം നേടിയ തകര്പ്പന് വിജയം അതിന്റെ പ്രതിഫലനമാണ്. ഈ മത്സരത്തില് കളിച്ച അതേ ടീമിനെതന്നെ ഇന്നും എല്കോ ഷെട്ടോരി ഇറക്കാനാണ് സാധ്യത. ആറ് ഗോള് നേടിയ നായകന് ഒഗ്ബച്ചെയും അഞ്ചെണ്ണം അടിച്ച റാഫേല് മെസ്സി ബൗളിയുമാണ് മുന്നേറ്റത്തില് ബ്ലാസ്റ്റേഴ്സിന്റെ കുന്തമുന. പ്രതിരോധത്തില് മുഹമ്മദ് റാകിപ്,
ജിയാനി സുവര്ലോണ്, വിക്ടര് ഡ്രോബറോവ്, ജെസ്സല് കര്നെയ്റോ എന്നിവരും മധ്യനിരയില് സെയ്ത്യാന് സിങ്, ജിങ്, ജിക്സണ് സിങ്, ഹാളിചരണ് നര്സാരി എന്നിവരും എത്തും. കഴിഞ്ഞ കൡയിലെ പോലെ മലയാളി താരങ്ങള് റിസര്വ് ലിസ്റ്റിലാകാനാണ് സാധ്യത. നിലവില് 11 കളികളില് നിന്ന് 11 പോയിന്റുമായി ബ്ലാസ്റ്റേഴ്സ് എട്ടാം സ്ഥാനത്താണ്. കഴിഞ്ഞ കളിയിലെ പ്രകടനം നടത്തി വിജയത്തുടര്ച്ച ഇന്നും ആവര്ത്തിക്കാമെന്ന പ്രതീക്ഷയിലാണ് ബ്ലാസ്റ്റേഴ്സ് പരിശീലകന് ഷട്ടോരി.
അതേസമയം ആദ്യ മത്സരത്തില് ബ്ലാസ്റ്റേഴ്സിനോടേറ്റ തോല്വിക്ക് പകരം വീട്ടുക എന്ന ലക്ഷ്യത്തോടെയായിരിക്കും എടികെ സ്വന്തം മണ്ണില് ഇന്ന് ഇറങ്ങുക. നിലവില് 11 മത്സരങ്ങളില് നിന്ന് 6 ജയവും മൂന്ന് സമനിലയും രണ്ട് പരാജയവുമടക്കം 21 പോയിന്റുമായി എടികെ മൂന്നാം സ്ഥാനത്താണ്. ഇന്ന് ബ്ലാസ്റ്റേഴ്സിനെ തോല്പ്പിച്ചാല് എടികെ 24 പോയിന്റുമായി ഒന്നാം സ്ഥാനത്തേക്കുകയറും. റോയ് കൃഷ്ണ, ഡേവിഡ് വില്യംസ് എന്നീ സ്ട്രൈക്കര്മാരാണ് എടികെയുടെ കരുത്ത്. 11 കളികളില് നിന്ന് എട്ട് ഗോളുകളാണ് റോയ് കൃഷ്ണ അടിച്ചുകൂട്ടിയിട്ടുള്ളത്. ഡേവിഡ് വില്യംസ് അഞ്ചുഗോളും നേടിയിട്ടുണ്ട്. ജാവിയര് ഹെര്ണാണ്ടസ്, അര്മാന്ഡോ സോസ, പ്രണോയ് ഹാല്ഡര്, വിക്ടര് മോന്ഗില്, പ്രീതം കോട്ടാല് എന്നിവരടങ്ങുന്ന എടികെയെ അവരുടെ തട്ടകത്തില് ചെന്ന് തോല്പ്പിക്കണമെങ്കില് ബ്ലാസ്റ്റേഴ്സിന് സര്വ കരുത്തുമെടുത്ത് പൊരുതേണ്ടിവരും. ഇന്ന് ജയിക്കാനായാല് 14 പോയിന്റുമായി ബ്ലാസ്റ്റേഴ്സിന് ആറാം സ്ഥാനത്തേക്കുയരാനും കഴിയും.
