തിരുവനന്തപുരം : തിരുവിതാംകൂര് ദേവസ്വം ബോര്ഡിന്റെ സാമ്പത്തിക പ്രതിസന്ധിക്കു പിന്നില് ശബരിമലയിലെ വരുമാനം ഇടിഞ്ഞതാണെന്ന് ദേവസ്വം മന്ത്രി കടകംപള്ളി സുരേന്ദ്രന്. കഴിഞ്ഞ തീര്ത്ഥാടന കാലയളവില് ശബരിമലയില് വരുമാനത്തില് വന് നഷ്ടമാണ് ഉണ്ടായിട്ടുള്ളത്. നിയമസഭാ സമ്മേളനത്തിനിടെ കടകംപള്ളി അറിയിച്ചതാണ് ഇക്കാര്യം.
ശബരിമലയില് നിന്നുള്ള വരുമാനം ഇടിഞ്ഞതോടെ തിരുവിതാംകൂര് ദേവസ്വം ബോര്ഡ് ജീവനക്കാര്ക്ക് ശമ്പളവും പെന്ഷനും അടക്കമുള്ള ആനുകൂല്യങ്ങള് നല്കാന് സാധിക്കുന്നില്ല. വരുമാനം ഇടിഞ്ഞത് ബോര്ഡിനെ സാമ്പത്തികമായി തളര്ത്തിയിട്ടുണ്ടെന്നും കടകംപള്ളി നിയമസഭയെ ്അറിയിച്ചു.
അതേസമയം ദേവസ്വം ബോര്ഡ് ക്ഷേത്രങ്ങളില് കാണിക്ക ഇടില്ലെന്ന ചലഞ്ച് തള്ളിക്കളയണം. ശബരിമല വരുമാനത്തില് നിന്നും ഒരു രൂപ പോലും സര്ക്കാര് എടുക്കുന്നില്ലെന്നും മന്ത്രി പറഞ്ഞു.
സാമ്പത്തിക പ്രതിസന്ധി മറികടക്കാന് തിരുവിതാംകൂര് ദേവസ്വം ബോര്ഡിന് സര്ക്കാര് 100 കോടി രൂപ അനുവദിച്ചിട്ടുണ്ട്. ആദ്യഘട്ടമെന്ന നിലയില് മുപ്പത് കോടി രൂപ കൈമാറിയിട്ടുണ്ടെന്നു്ം അദ്ദേഹം നിയമസഭയെ അറിയിച്ചു.
