ഭഗവാന്റെ വിശ്വരൂപ ദര്ശനത്താല് പേരുകേട്ട, മദ്ധ്യ തിരുവിതാംകൂറിലെ ശ്രീപുരുഷമംഗലം ശ്രീകൃഷ്ണ ക്ഷേത്രത്തിലാണ് ഈ അത്ഭുതനിവേദ്യം ഭക്തര്ക്കു നല്കുന്നത്. പഞ്ചദ്രവ്യങ്ങളാല് നിര്മ്മിക്കുന്ന ദദ്ധ്യാന്നമാണ് ഈ ദിവ്യ നൈവേദ്യം. ക്ഷേത്രത്തിലെ പ്രധാന വഴിപാടാണ് ദദ്ധ്യാന്നം. കുരുക്ഷേത്ര യുദ്ധത്തിനു പുറപ്പെടും മുന്പ് ശ്രീകൃഷ്ണനും
പാണ്ഡവരും ഇത് കഴിക്കുമായിരുന്നു. വിശ്വരൂപ ദര്ശനമുള്ള പതിനെട്ട് ദിവസങ്ങളാണ് വഴിപാടുള്ളത്. അതാതു ദിവസത്തെ ദദ്ധ്യാന്നംഅന്നു തന്നെ തീര്ക്കണം. രോഗം എത്രപഴകിയതാണെങ്കിലും ഈ നിവേദ്യം കഴിച്ചാല് രോഗശമിക്കുമെന്നാണ്വിശ്വാസം.
വര്ഷത്തില് പതിനെട്ട് ദിവസമാണ് (ധനു 118) വിശ്വരൂപത്തില് ഭഗവാന് ഇവിടെ ദര്ശനം നല്കുന്നത്. വിശ്വരൂപ ദര്ശന മഹോത്സവമെന്നാണ് ഇത് അറിയപ്പെടുന്നത്. പതിനെട്ടു ദിവസത്തെ കുരുക്ഷേത്രയുദ്ധത്തിന്റെ സ്മരണയാണ് പതിനെട്ടു ദിവസത്തെ വിശ്വരൂപ ദര്ശനം.
ഈ ദിവസങ്ങളിലെ ക്ഷേത്രദര്ശനത്താല് ജീവിതത്തിലെ ക്ലേശങ്ങളെല്ലാം മാറുമെന്നാണ് ഭക്തരുടെ വിശ്വാസം. കുരുക്ഷേത്ര യുദ്ധം നടന്ന പതിനെട്ട് ദിവസങ്ങളുടെ ഓര്മയ്ക്കായാണ് വിശ്വരൂപ ദര്ശനത്തിനും പതിനെട്ട് ദിനങ്ങള് നിശ്ചയിച്ചത്. കുരുക്ഷേത്രയുദ്ധത്തെ ഓര്മ്മിപ്പിക്കുന്ന ചടങ്ങുകളാണ് ഇവിടെ നടത്തുന്നത്. ശ്രീപുരുഷനെന്ന ശ്രീകൃഷ്ണ സങ്കല്പ്പത്തിലാണ് ക്ഷേത്രപ്രതിഷ്ഠ. നിതൃവൃത്തിയ്ക്ക് പോലും വകയില്ലാത്ത അവസ്ഥയിലായിരുന്നു ക്ഷേത്രം ഒരു കാലത്ത്.
പൂജമുടങ്ങുന്നത് പതിവായതോടെ നാട്ടില് ദുര്മരണങ്ങളുള്പ്പെടെയുള്ള അനിഷ്ട സംഭവങ്ങളുണ്ടായി. തുടര്ന്ന് പ്രശ്നംവയ്പു നടത്തി. വിശ്വരൂപത്തില് ഭഗവാന് പ്രത്യക്ഷപ്പെട്ട ക്ഷേത്രത്തില് അതേ ഭാവത്തില് ഓരോ വര്ഷവും പതിനെട്ട് ദിവസം ആരാധന നടത്തണമെന്നും ബാക്കി ദിവസങ്ങളില് ശ്രീപുരുഷനായി വിളങ്ങുമെന്നും പ്രശ്നത്തില് തെളിഞ്ഞു.
അവിശ്വസീനീയമായൊരു സംഭവവും ക്ഷേത്രചരിത്രത്തിലേക്ക് ഇഴ ചേര്ന്നിട്ടുണ്ട്. ഒരിക്കല് ക്ഷേത്രക്കുളത്തില് പടിഞ്ഞാറായി സ്വര്ണ നിറത്തിലുള്ള ഒരു ആമ പ്രത്യക്ഷപ്പെട്ടു. 2016 സെപ്തംബര് നാലിനാണ് ഈ ആമയെ ആദ്യമായി ഭക്തര് കാണുന്നത്. ആമയെ കാണാന് ആളുകളെത്തുമ്പോള് ആമ വെള്ളത്തിന് മുകളിലെത്തി ദര്ശനം നല്കി മറയും. ഭഗവാന്റെ കൂര്മ്മാവതാരമായാണ് ആമയെ കണക്കാക്കുന്നത്. കോട്ടയം എറണാകുളം റൂട്ടില് പിറവം കക്കാട് ആണ് ക്ഷേത്രമുള്ളത്. കോട്ടയത്തു നിന്ന് 45 കിലോമീറ്ററും വൈറ്റിലയില് നിന്ന് മുപ്പത് കിലോമീറ്ററും ദൂരമുണ്ട്.
