തിരുവനന്തപുരം: കനത്ത മഴയെ തുടര്ന്ന് ആലപ്പുഴ, എറണാകുളം, തൃശൂര്,തിരുവനന്തപുരം ജില്ലകളിലെ പ്രഫഷനല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (ഒക്ടോബര് 22) അവധി പ്രഖ്യാപിച്ചു. ജില്ലാ കലക്ടറാണ് അവധി പ്രഖ്യാപിച്ചത്. മഹാത്മാഗാന്ധി സര്വകലാശാല നാളെ നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതി പിന്നീട്. അതിതീവ്ര മഴയ്ക്കു സാധ്യതയുമായി നാളെ കാലാവസ്ഥ നിരീക്ഷണ കേന്ദ്രത്തിന്റെ റെഡ് അലര്ട്ട് എറണാകുളം, തൃശൂര് ജില്ലകളില് നിലവിലുണ്ട്.
എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളിലാണ് നാളെ റെഡ് അലര്ട്ട് പ്രഖ്യാപിച്ചിട്ടുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് നാളെ ഓറഞ്ച് അലര്ട്ടുണ്ട്. ഈ ജില്ലകളില് അതിതീവ്ര മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ശക്തമായ മഴയെ തുടര്ന്ന് ജില്ലയിലെ വിവിധ പ്രദേശങ്ങളില് വെള്ളക്കെട്ട് രൂപപ്പെട്ടതിനാലും, മഴ ശക്തമായി തുടരുമെന്ന് ദുരന്ത നിവാരണ അതോറിറ്റിയില് നിന്നും ജാഗ്രത നിര്ദ്ദേശമുള്ളതിനാലുമാണ് ആലപ്പുഴ ജില്ലയിലെ പ്രൊഫഷണല് കോളേജുകള് ഉള്പ്പടെയുള്ള വിദ്യാഭാസ സ്ഥാപനങ്ങള്ക്കും അംഗനവാടികള്ക്കും അവധി പ്രഖ്യാപിച്ചതെന്ന് കളക്ടര് അറിയിച്ചു. ജില്ലയിലെ എല്ലാ അംഗനവാടികളും തുറന്നു പ്രവര്ത്തിക്കേണ്ടതും പോഷകാഹാര വിതരണം ഉള്പ്പടെയുള്ള പ്രവര്ത്തനങ്ങള് നടത്തേണ്ടതുമാണെന്ന് കളക്ടര് വ്യക്തമാക്കി.
