ഭോപ്പാല്:ബൂട്ടില്ലാതെ 11സെക്കന്റില് 100മീറ്റര് ഓടി തീര്ത്ത യുവാവിന്റെ വീഡിയോ സോഷ്യല് മീഡിയയില് വൈറലായിരുന്നു. ഇദ്ദേഹത്തെ കണ്ടെത്തി ഭോപ്പാലിലെ സായിയില് പരിശീലനത്തിനയച്ചിരിക്കുകയാണ് കേന്ദ്ര കായിക മന്ത്രി കിരണ് റിജ്ജു. മധ്യപ്രദേശുകാരനായ രാമേശ്വര് സിങ്ങാണ് ആ യുവാവ് .
രാമേശ്വര് ബൂട്ടില്ലാതെ ഗ്രാമത്തിലെ ഏതോ റോഡിലൂടെ ഓടുന്ന വീഡിയോ പ്രചരിച്ചതോടെയാണ് മന്ത്രി ഇടപെട്ടത്.ട്വിറ്ററിലൂടെ ശിവരാജ് സിങ് ചൗഹാനാണ് ഈ ഓട്ടക്കാരന്റെ വീഡിയോ ട്വീറ്റ് ചെയ്യുകയും ഒപ്പം റിജ്ജുവിനെ ടാഗ് ചെയ്ത ചൗഹാന് ഇയാളെ പിന്തുണയ്ക്കണമെന്നും കഴിവ് മെച്ചപ്പെടുത്തണമെന്നും അഭ്യര്ത്ഥിച്ചത്.
പിന്നാലെ കിരണ് റിജ്ജുവിന്റെ ട്വീറ്റെത്തി. ആരെങ്കിലും ഈ ഓട്ടക്കാരനെ എന്റെ അടുത്തെത്തിക്കു. ഞാന് ഇയാള്ക്ക് പരിശീലനത്തിനുള്ള സൗകര്യമൊരുക്കാം എന്ന് അദ്ദേഹം വ്യക്തമാക്കി. തുടര്ന്ന് നടത്തിയ അന്വേഷണത്തില് ആളെ കിട്ടി. രാമേശ്വര് സിംഗിന് മന്ത്രി പരിശീലന സൗകര്യം ഏര്പ്പെടുത്തുകയും ചെയ്തു. സായ് ട്വീറ്റിലൂടെത്തന്നെ ഇക്കാര്യം അറിയിച്ചു.
