കര്ത്രധികരണം
പതിനാലാമത്തേതായ ഈ അധികരണത്തില് 7 സൂത്രങ്ങളുണ്ട്. ജീവന്റെ കര്തൃത്വവുമായി ബന്ധപ്പെട്ട കാര്യങ്ങളാണ് ഈ അധികരണത്തില് ചര്ച്ച ചെയ്യുന്നത്.
സൂത്രം കര്ത്താ ശാസ്ത്രാര്ഥവത്ത്വാത്
ജീവന് കര്ത്താവുമാകുന്നു, എന്തുകൊണ്ടെന്നാല് ശാസ്ത്രത്തിന്റെ അര്ത്ഥം അതായതിനാലാണ്. ശാസ്ത്രത്തിന്റെ പ്രയോജനം ജീവാത്മാവിനെ അധികരിച്ചാണ് എന്നതുകൊണ്ട് തന്നെയാണ് ജീവനെ കര്ത്താവെന്ന് വിളിക്കുന്നത്. സാംഖ്യ സിദ്ധാന്തപ്രകാരം ജഡമായ പ്രകൃതിയെ കര്ത്താവായും ചേതനനായ പുരുഷനെ അസംഗനായും പറയുന്നു.
എന്നാല് ജഡമായ പ്രകൃതിയ്ക്ക് ഒരിക്കലും കര്ത്താവാകാന് കഴിയില്ല. അസംഗനാണെന്ന് പറഞ്ഞാല് പുരുഷനും കര്ത്താവാകാന് പറ്റില്ല. പിന്നെ ആരാണ് കര്ത്താവ് എന്നതാണ് ചോദ്യം. സാംഖ്യമതത്തെയാണ് ഇവിടെ നിഷേധിക്കുന്നത്. ജീവന് നേരത്തെ പറഞ്ഞ ഗുണങ്ങള്ക്ക് പുറമെ കതൃത്വധര്മ്മവും കൂടിയുണ്ട്. ജീവന് കര്ത്താവായാല് മാത്രമേ യാഗം ചെയ്യുക, ഹോമം ചെയ്യുക, ദാനം ചെയ്യുക എന്നിങ്ങനെയുള്ള ശ്രുതി നിര്ദ്ദേശങ്ങള് പാലിക്കപ്പെടുകയുള്ളൂ.പ്രശ്നോപനിഷത്തില് ‘ഏഷഹി ദ്രഷ്ടാ ശ്രോതാ മന്താ ബോദ്ധാ കര്ത്താ വിജ്ഞാനാത്മാ പുരുഷ: ‘ വിജ്ഞാനാത്മാവായ ഈ പുരുഷന് കാണുന്നവനും കേള്ക്കുന്നവനും മനനം ചെയ്യുന്നവനും അറിയുന്നവനും എല്ലാം ചെയ്യുന്നവനുമാണ് എന്ന് പറയുന്നു. ജീവന് കര്ത്താവും ഭോക്താവുമെന്ന് ശ്രുതി വ്യക്തമാക്കുന്നുണ്ട്. ശരീര സംബന്ധം ഉള്ള കാലത്തോളം ഇത് തുടരുക തന്നെ ചെയ്യും. അതിനാല് ജീവന് എല്ലാ കര്മ്മങ്ങളുടേയും കര്ത്താവാണ്.
സൂത്രം വിഹാരോപദേശാത്ജീവന് വിഹരിക്കുന്നതായി ശാസ്ത്രത്തില് പറയുന്നതിനാലും ജീവന് കര്ത്താവാണ്.സ്വപ്നാവസ്ഥയില് ജീവന് ഇഷ്ടം പോലെ വിഹരിക്കുന്നതായി ശ്രുതികള് പറയുന്നു. ബൃഹദാരണ്യകത്തില് ‘ സ ഈയതേ/മൃതോ യത്ര കാമം ‘ആ ജീവന് നിത്യനായതിനാല് സ്വപ്നാവസ്ഥയില് വാസനയ്ക്കനുസരിച്ച് സഞ്ചരിക്കുന്നു എന്ന് പറയുന്നു. ‘സ്വേ ശരീരേ യഥാകാമം പരിവര്ത്തതേ’ സ്വന്തം ശരീരത്തില് തന്റെ ഇഷ്ടം പോലെ ജീവന് സഞ്ചരിക്കുന്നുവെന്ന് മറ്റൊരു മന്ത്രത്തിലും പറയുന്നുണ്ട്. ഇത്തരത്തില് ജീവനാണ് കര്ത്താവെന്ന് ശ്രുതി ഉറപ്പിക്കുന്നു. സൂത്രം ഉപാദാനാത്
ഇന്ദ്രിയങ്ങളേയും ബുദ്ധിയേയും സ്വീകരിക്കുന്നതായി ശ്രുതിയില് പറയുന്നതിനാല് ബൃഹദാരണ്യകത്തില് ‘തദേഷാം പ്രാണാനാം വിജ്ഞാനേന വിജ്ഞാനമാദായ’ ഈ ഇന്ദ്രിയങ്ങളുടെ വിജ്ഞാനത്തിലൂടെ വിജ്ഞാനത്തെ സ്വീകരിക്കുന്നു എന്നും അടുത്ത മന്ത്രത്തില് പ്രാണനെ ഗൃഹിക്കുന്നുവെന്നും കാണുന്നതിനാള് ചേതനനായ ജീവന് തന്നെയാണ് കര്ത്താവ്. സ്വപ്നത്തില് ജീവന്റെ സഞ്ചാരത്തെയും ഇവിടെ പറയുന്നു. അതിനാല് ജഡമായ പ്രകൃതിയേയോ ഇന്ദ്രിയങ്ങളെയോ അല്ല ചേതനനായ ജീവാത്മാവാണ്് കര്ത്താവെന്ന് അറിയണം.
9495746977
ജന്മഭൂമി ഓണ്ലൈന്