ബെംഗളൂരു: കര്’നാടക’ത്തിന് അന്ത്യം കുറിച്ചപ്പോള് അധികാരം കൈവിട്ടു പോയ കോണ്ഗ്രസ്-ജെഡിഎസ് സഖ്യത്തിലെ ജെഡിഎസ് ഇപ്പോള് അവരുടെ പ്രവര്ത്തകരെ ആശ്വസിപ്പിക്കുന്നതിന് വേണ്ടിയുള്ള ശ്രമത്തിലാണ്. പാര്ട്ടി പ്രവര്ത്തകരുടെ പരാതികള് കേള്ക്കാതിരുന്ന നേതൃത്വം പാലസ് ഗ്രൗണ്ടിലൊരു യോഗി വിളിച്ചു കൂട്ടി. യോഗത്തില് കോണ്ഗ്രസുമായുള്ള സഖ്യത്തെ കുറിച്ചായിരുന്നു ചര്ച്ച.
പാര്ട്ടി പ്രവര്ത്തകരെ അമ്പരപ്പെടുത്തിയാണ് ദേവഗൗഡ സംസാരിച്ചത്. 14 മാസത്തെ കോണ്ഗ്രസുമായുള്ള സഖ്യത്തിന് ശേഷം എച്ച്.ഡി ദേവഗൗഡ ആ സത്യം വിളിച്ചു പറയുമ്പോള് പ്രവര്ത്തകര് എങ്ങനെ അമ്പരപ്പെടാതിരിക്കും. കോണ്ഗ്രസ് ഒരു ശാപമാണെന്നും അവരുമായുള്ള സഖ്യം ഒരു തെറ്റായിരുന്നെമാണ് ദേവഗൗഡ യോഗത്തില് പറഞ്ഞത്.
യോഗത്തില് വികാരഭരിതനായി പൊട്ടിതെറിച്ച കുമാരസ്വാമി തനിക്കൊരിക്കലും സ്വതന്ത്രമായി ഭരിക്കാന് കഴിഞ്ഞില്ലെന്ന് വ്യക്തമാക്കി. തന്റേത് ഭഗവാന് ശിവനെ പോലെ വിഷം കഴിച്ച അവസ്ഥയായിരുന്നു. അത് ഭരണത്തില് പരിമിതികള് സൃഷ്ടിച്ചു. എല്ലാ പരിമിതികളേയും തൂതെറിയുന്നതിനെ കുറിച്ച് ചിന്തിച്ചിരുന്നെന്നും കുമാരസ്വാമി പറഞ്ഞു.
മുഖ്യമന്ത്രിയായി ചുമതലയേറ്റ ശേഷം ഞാന് കണ്ണീര് പൊഴിച്ചത് നിങ്ങള് ഓര്ക്കുന്നുണ്ടാകും. നിങ്ങളുടെ പ്രതീക്ഷകളെ ഞാന് കണ്ടില്ല എന്നതു കൊണ്ടാണ് അങ്ങനെ സംഭവിച്ചത്. കോണ്ഗ്രസിന്റെ 80 എംഎല്എമാരുമായി തട്ടിക്കുമ്പോള് ജെഡിഎസിന് 37 എംഎല്എമാര്. ഞാന് കോണ്ഗ്രസിനോട് ബാദ്ധ്യതയുള്ളവനെന്ന് തോന്നി. – കുമാരസ്വാമി തുറന്നടിച്ചു.
അവസാനിക്കാന് ബാക്കിയുള്ള കാലാവധിയായ മൂന്ന് വര്ഷവും എട്ട് മാസവും ബിജെപി സര്ക്കാര് തന്നെ ഭരിക്കണമെന്നാണ് ആഗ്രഹമെന്നും എന്നാല് അതിന് ശേഷം തങ്ങളുടെ അവസ്ഥ എന്താകുമെന്ന് അറിയില്ലെന്നും ജാഗ്രത പാലിക്കുമെന്നും ദേവഗൗഡ പറഞ്ഞു.
