ന്യൂദല്ഹി: രാജ്യത്ത് നടക്കുന്ന ആള്ക്കൂട്ട ആക്രമണങ്ങളില് ഭൂരിഭാഗവും വ്യാജവും കെട്ടിച്ചമച്ചതുമാണെന്ന് കേന്ദ്ര ന്യൂനപക്ഷകാര്യമന്ത്രി മുക്താര് അബ്ബാസ് നഖ്വി.1947 ന് ശേഷവും മുസ്ലീങ്ങള് ശിക്ഷ അനുഭവിക്കുന്നുണ്ടെന്ന് പറഞ്ഞ സമാജ്വാദി പാര്ട്ടി എംപി അസം ഖാന്റെ വിവാദ പ്രസ്താവനയെക്കുറിച്ചുള്ള ഇന്ത്യാ ടുഡേയ്ക്ക് നല്കിയ പ്രതികരണത്തിനാണ് നഖ്വി ഇക്കാര്യം വ്യക്തമാക്കിയത്.
എന്തുകൊണ്ടാണ് നമ്മുടെ പൂര്വ്വികര് പാകിസ്ഥാനിലേക്ക് പോകാതിരുന്നതെന്ന് പഠിക്കണം. അവര് ഇന്ത്യയെ സ്വന്തം രാജ്യമായി കണ്ടത്. ഇന്ത്യയിലെ ന്യൂനപക്ഷ സമുദായം ഒരു തരത്തിലുള്ള വിവേചനവും നേരിടുന്നില്ലെന്ന് അദേഹം പറഞ്ഞു. നേരത്തെയും കോണ്ഗ്രസിന്റെയും സമാജ്വാദി പാര്ട്ടിയുടെയും രാജ്യവിരുദ്ധ പരാമര്ശങ്ങള്ക്കെതിരെ നഖ്വി രംഗത്തെത്തിയിരുന്നു.
