ന്യൂദല്ഹി: ദലിത് വിഭാഗത്തില്പ്പെട്ടവരുടെ മുടിവെട്ടാന് തയാറല്ലെന്ന് യുപിയിലെ മുസ്ലീം ബാര്ബര്മാര്. മൊറാദാബാദിലെ പീപല്സനയിലുള്ള മുസ്ലീങ്ങള് നടത്തുന്ന ബാര്ബര് ഷോപ്പിലാണ് ദലിതര്ക്ക് അപ്രഖ്യാപിതമായി പ്രവേശനം നിഷേധിച്ചത്. ഇതിനെതിരെ ദളിതര് സംഘടിച്ചെത്തി ഭോജ്പൂര് പൊലീസ് സ്റ്റേഷനില് പരാതി നല്കി.
തങ്ങള് ജാതിയുടെ പേരില് വിവേചനം നേരിടുകയാണെന്നും മുസ്ലീങ്ങളുടെ ബാര്ബര് ഷോപ്പില് തങ്ങള്ക്ക് പ്രവേശനം നിഷേധിക്കുന്നെന്നുമാണ് ദലിത് വിഭാഗക്കാര് പോലീസില് നല്കിയ പരാതി. ദലിതരെ കടയ്ക്കുള്ളില് കയറ്റിയാല് മുസ്ലീം സമൂഹം കടയില് കയറില്ലെന്നുള്ള അറിയിപ്പ് തങ്ങള്ക്ക് ലഭിച്ചതായി ബാര്ബര് ഷോപ്പ് ഉടമകള് പറയുന്നു.
ദലിതര് മുസ്ലീങ്ങളുടെ ബാര്ബര്ഷോപ്പില് കയറാറില്ലെന്നും ഇവര് ദലിതര് നടത്തുന്ന കടയില് മാത്രം പോകുന്നവരാണ്. ഇപ്പോള് തങ്ങളുടെ കടകളില് കയറുന്നതിന് പിടിവാശിപിടിക്കുന്നതിന് പിന്നില് മറ്റുലക്ഷ്യങ്ങളാണ് ഉള്ളതെന്നാണ് മുസ്ലീങ്ങള് നിരത്തുന്ന ന്യായവാദം. ദളിതര് പോലീസില് പരാതി നല്കിയതോടെ ഗ്രാമത്തിലെ ബാര്ബര്മാര് കടയടച്ച് പ്രതിഷേധിക്കുകയാണ്.
കേസന്വേഷണത്തിനായി പൊലീസ് സീനിയര് സൂപ്രണ്ട് അമിത് പതക്കിന്റെ നേതൃത്വത്തില് പ്രത്യേകസംഘം രൂപികരിച്ചിട്ടുണ്ട്. മുസ്ലീങ്ങളുടെ ഈ പിടിവാശി അംഗീകരിച്ച് കൊടുക്കാനാവില്ലെന്ന് പോലീസ് വ്യക്തമാക്കി.
