കൊല്ക്കത്ത : ബംഗാളില് ജയ് ശ്രീറാം എന്നുപറഞ്ഞതിനുണ്ടായ ആക്രമണം ഏഴ് വയസ്സുകാരനെ അധ്യാപകന് മര്ദ്ദിച്ചതിലേക്കും നീളുന്നു. ജയ് ശ്രീറാം എന്നു വിളിച്ചതിന് ഒന്നാം ക്ലാസ് വിദ്യാര്ത്ഥിയായ ആര്യന് സിങ്ങിനാണ് അധ്യാപകനില് നിന്നും ക്രൂരമര്ദ്ദനമേറ്റത്. ബംഗാള് മുഖ്യമന്ത്രി മമത ബാനര്ജിയുടെ ബംഗാള് സര്ക്കാര് സ്പോണ്സര് ചെയ്തിട്ടുള്ള സ്കൂളിലാണ് ഈ സംഭവം അരങ്ങേറിയത്.
ഇത് വിവാദമായതോടെ അധ്യാപകന് ഇപ്പോള് ഒളിവിലാണ്. സ്കൂളിലെ വിദ്യാര്ത്ഥികളെല്ലാം മന്ത്രങ്ങള് ഉരുവിട്ടപ്പോള് ആര്യന് ജയ് ശ്രീ റാം എന്ന് വിളിക്കുകയായിരുന്നു. ഇതില് കുപിതമായ അധ്യാപകന് ഇനി മുതല് സ്കൂളിന് അകത്തോ പുറത്തോ ഇത് ഉരുവിടരുന്നതെന്ന് ഭീഷണിപ്പെടുത്തി കുട്ടിയെ മര്ദ്ദിക്കുകയായിരുന്നു.
എന്നാല് ഇത്തരത്തില് തന്റെ മകനെ മാത്രമാണ് അധ്യാപകന് മര്ദ്ദിച്ചത്. സംഭവത്തോടെ തന്റെ കുട്ടി മാനസ്സികമായി തകര്ന്ന അവസ്ഥയിലാണ്. സ്കൂളില് പോകാന് തയ്യാറാകുന്നില്ലെന്നും ആര്യന്റെ പിതാവ് കുറ്റപ്പെടുത്തി. അതേസമയം സംഭവത്തില് പരാതി നല്കിയിട്ടും എഫ്ഐആര് രജിസ്റ്റര് ചെയ്യാന് പോലീസ് തയ്യാറാകുന്നില്ലെന്നും കുട്ടിയുടെ പിതാവ് ആരോപിച്ചു, അതേസമയം മമത സര്ക്കാരിന്റെ ഹിന്ദുത്വ വിരുദ്ധ സമീപനം മറ്റൊരു തലത്തിലേക്ക് മാറിയതിന്റെ സൂചനയാണ് ഈ സംഭവത്തിലൂടെ മനസ്സിലാക്കാന് സാധിക്കുന്നത്. മമതയുടേയും പാര്ട്ടിയുടേയും താത്പ്പര്യങ്ങള് കൊച്ചുകുട്ടികള് ഉള്പ്പടെയുള്ളവരിലേക്കും അടിച്ചേല്പ്പിക്കുന്നതാണ് ഇപ്പോള് കണ്ടുവരുന്നത്. സംസ്ഥാനത്ത് ഹിന്ദു വുരുദ്ധ സമീപനം ഉണ്ടാക്കിയെടുക്കാന് ശ്രമം നടത്തുന്നതാണ് ഇതെന്നും ആരോപണം ഉയരുന്നുണ്ട്.
