ബെംഗളൂരു : കര്ണ്ണാടകത്തിലെ പ്രധാന നഗരങ്ങളില് ഭീകര സംഘടനയായ ജമാ അത്ത് ഉള് മുജാഹിദ്ദീന് ബോംബ് സ്ഫോടനത്തിന് പദ്ധതിയിട്ടിരുന്നതായി കണ്ടെത്തി. ബംഗാള് ബര്ദ്വാനിലെ ഭീകരാക്രമണം സംബന്ധിച്ച് അന്വേഷണം നടത്തുന്നതിനിടെയാണ് ഇതുസംബന്ധിച്ചുള്ള വിവരങ്ങള് വെളിപ്പെട്ടത്.
ഇതുമായി ബന്ധപ്പെട്ട് നടത്തിയ അന്വേഷണത്തില് ബെംഗളൂരു നോര്ത്തിലെ സോളദേവനഹള്ളിയിലെ വീട്ടില്നിന്നും ബോംബ് നിര്മ്മിക്കുന്ന വസ്തുക്കളും കണ്ടെടുത്തിട്ടുണ്ട്.
ഇലക്ട്രോണിക് ഉപകരണ വസ്തുക്കളും ബോംബ് നിര്മ്മിക്കുന്നതിനാവശ്യമായ സ്ഫോടക വസ്തുക്കളുടെ ശേഖരവുമാണ് കണ്ടെത്തിയത്. ഇതിന് മുന്പ് അറസ്റ്റിലായ ജമാ അത്തൂല് മുജാഹിദ്ദീന് പ്രവര്ത്തകനായ ഹബീബുര്റഹ്മാനില് (27) നിന്ന് ലഭിച്ച തെളിവുകളുടെ അടിസ്ഥാനത്തിലാണ് പരിശോധന നടത്തിയത്. ഇയാള് വാടകയ്ക്ക് താമസിച്ചിരുന്ന വീട്ടില് നടത്തിയ അന്വേഷണത്തിലാണ് ബോംബു നിര്മ്മാണത്തിനാവശ്യമായ വസ്തുക്കള് കണ്ടെത്തിയത്.
2014ലെ ബംഗാള് സ്ഫോടനത്തിന് ശേഷം ഒളിവില് പോയ ഇയാളെ എന്ഐഎ കര്ണ്ണാടകയിലെ ദൊഡ്ഡബെല്ലാപൂരില് നിന്നാണ് പിടികൂടിയത്. സ്ഫോടനം നടത്തിയ സംഭവത്തിലെ മുഖ്യ ആസൂത്രകനായ ഇയാള്ക്കെതിരെ രാജ്യദ്രോഹം ചുമത്തിയാണ് കേസെടുത്തിരിക്കുന്നത്.
