ന്യൂദല്ഹി: കുട്ടികളെ ലൈംഗികമായി ചൂഷണം ചെയ്യുന്നവര്ക്കെതിരെ ശക്തമായ നടപടിയുമായി കേന്ദ്രസര്ക്കാര്. കുട്ടികളെ പീഡിപ്പിക്കുന്നവര്ക്ക് വധശിക്ഷ നല്കാനുള്ള വ്യവസ്ഥയുള്പ്പെടുത്തി പോക്സോ നിയമം ഭേദഗതി ചെയ്യാന് കേന്ദ്രമന്ത്രിസഭാ യോഗം അനുമതി നല്കി. കുട്ടികള്ക്ക് എതിരെയുള്ള ലൈംഗിക അതിക്രമങ്ങള് അനുദിനം വര്ധിക്കുന്ന സാഹചര്യത്തിലാണിത്.
2012ലെ പോക്സോ നിയമത്തില് വധശിക്ഷയ്ക്കുള്ള വ്യവസ്ഥ കൂടി ഉള്പ്പെടുത്തി നിയമം ശക്തമാക്കാന് തീരുമാനിച്ചു. പത്രക്കുറിപ്പില് കേന്ദ്രസര്ക്കാര് അറിയിച്ചു.കുട്ടികളുള്പ്പെട്ട അശ്ലീല ദൃശ്യങ്ങള് പ്രചരിപ്പിക്കുന്നവര്ക്ക് തടവും കനത്ത പിഴയും ചുമത്താനും നിയമത്തില് വ്യവസ്ഥയുണ്ട്. ശിക്ഷ കടുക്കുന്നതോടെ കുട്ടികള്ക്കെതിരായ ലൈംഗിക അതിക്രമങ്ങള് കുറയുമെന്നും കുട്ടികളുടെ താല്പ്പര്യങ്ങള് സംരക്ഷിക്കപ്പെടുമെന്നും സര്ക്കാര് വ്യക്തമാക്കി. ശിക്ഷ ശക്തമാക്കണമെന്ന് നിരവധി സന്നദ്ധ സംഘടനകളും ആവശ്യപ്പെട്ടിരുന്നു.
