ന്യൂദല്ഹി: മുന് ഉപരാഷ്ട്രപതി ഹമീദ് അന്സാരിയുടെ രാജ്യവിരുദ്ധ പ്രവണതയെ ആദ്യം പുറത്തെത്തിച്ചത് മുന് പ്രധാനമന്ത്രിയും ബിജെപി നേതാവുമായ അടല് ബിഹാരി വാജ്പേയി. ഹമീദ് അന്സാരിയുടെ പ്രവര്ത്തനങ്ങളില് സംശയമുണ്ടെന്ന് 1991 തന്നെ വാജ്പേയി പ്രധാനമന്ത്രി പി.വി. നരസിംഹ റാവുവിനെ അറിയിച്ചിരുന്നു. 1990 – 1992 കാലത്താണ് ഹമീദ് അന്സാരി ഇറാനില് സ്ഥാനപതിയായിരുന്നത്.
ഇക്കാലയളവില് സുപ്രധാന വിവരങ്ങള് ഹമീദ് അന്സാരി മറ്റു രാജ്യത്തിന് ചോര്ത്തി നല്കിയതില് പ്രധാനമന്ത്രി ഇടപെട്ട് അന്വേഷണം നടത്തണമെന്നാണ് ഇപ്പോള് റോയിലെ മുന് ഉദ്യോഗസ്ഥര് ആവശ്യപ്പെട്ടിരിക്കുന്നത്. റോയുടെ പദ്ധതികളെക്കുറിച്ച് ഇറാന്റെ രഹസ്യാന്വേഷണ വിഭാഗമായ സവക്കിനാണ് അന്സാരി വിവരങ്ങള് കൈമാറിയതെന്ന ഗുരുതര ആരോപണമാണ് ഈ ഉദ്യോഗസ്ഥര് ഉന്നയിക്കുന്നത്. റോയുടെ അതീവ രഹസ്യ പദ്ധതിയാണ് ഹമീദ് അന്സാരി ഇറാനെ അറിയിച്ചതെന്നും ഇവര് ആരോപിക്കുന്നു.
ഇറാനിലെ കോം പ്രവിശ്യയിലേക്ക് കടക്കുന്ന കശ്മീരി യുവാക്കള്ക്കെതിരെയുള്ള റോയുടെ നടപടി തടസപ്പെടുത്താനും ഹമീദ് അന്സാരി ശ്രമിച്ചു. ഇറാനിലെ മതപഠന കേന്ദ്രത്തില് കശ്മീരി യുവാക്കള് ആയുധ പരിശീലനം നേടുന്നുണ്ടെന്ന വിവരത്തെക്കുറിച്ചാണ് 1991 ആഗസ്തില് റോ അന്വേഷിച്ചത്. അത് അന്വേഷിക്കരുതെന്നും റിപ്പോര്ട്ടുകള് കൈമാറരുതെന്നും റോ ഉദ്യോഗസ്ഥനായ ഡി.ബി. മാത്തൂറിനോട് അന്സാരി നിര്ദേശിച്ചിരുന്നതായും കത്തിലുണ്ട്.
റോ ഇത്തരത്തില് അന്വേഷണം നടത്തുന്ന കാര്യം അന്സാരി സവകിനെ അറിയിച്ചെന്നും ആരോപണമുണ്ട്. അന്വേഷണം നടത്തിയ ഡി.ബി. മാത്തൂറിനെക്കുറിച്ചുള്ള വിവരങ്ങള് ഇറാന്റെ വിദേശകാര്യ മന്ത്രാലയത്തിനും അന്സാരി കൈമാറിയിരുന്നു. ഇതിനു പിന്നാലെ ഒരു സംഘം ആളുകള് അദ്ദേഹത്തെ തട്ടിക്കൊണ്ടുപോയി. എന്നാല്, മാത്തൂറിനെ കാണാതായതിനെക്കുറിച്ച് ദല്ഹിക്ക് അന്സാരി റിപ്പോര്ട്ട് നല്കിയില്ല. അന്നു പ്രതിപക്ഷ നേതാവായിരുന്ന അടല് ബിഹാരി വാജ്പേയി ഇക്കാര്യമറിഞ്ഞ് അന്നത്തെ പ്രധാനമന്ത്രി പി.വി. നരസിംഹ റാവുവിനെ അറിയിച്ചതിനെത്തുടര്ന്നാണ് മാത്തൂറിനെ ഇറാന്റെ കസ്റ്റഡിയില് നിന്നു മോചിപ്പിച്ചത്.
അന്നത്തെ കോണ്ഗ്രസ് സര്ക്കാരും ഈ വിഷയത്തെക്കുറിച്ച് കൂടുതല് അന്വേഷണം നടത്തിയില്ല. വിദേശകാര്യ മന്ത്രാലയത്തെ അറിയിക്കാതെ ടെഹ്റാനിലെ പാക്കിസ്ഥാന്റെ സ്ഥാനപതിയുമായുള്ള അന്സാരിയുടെ കൂടിക്കാഴ്ചയും സംശയമുയര്ത്തിയിരുന്നതായി മുന് ഉദ്യോഗസ്ഥര് പറയുന്നു.
ഇറാനിലെ റോയുടെ പ്രവര്ത്തനം അവസാനിപ്പിക്കാന് വരെ അന്സാരി ശ്രമിച്ചിരുന്നതായി അക്കാലത്ത് ടെഹ്റാനില് ഉദ്യോഗസ്ഥനായിരുന്ന എന്.കെ. സൂദ് പറഞ്ഞതായി സണ്ഡെ ഗാര്ഡിയന്റെ റിപ്പോര്ട്ടിലുണ്ട്. 1993ല് അന്സാരിയെ ഇറാനില് നിന്ന് മാറ്റിയപ്പോള് ഇന്ത്യന് എംബസിയില് ആഘോഷങ്ങള് നടന്നതായും സൂദ് പറഞ്ഞു. ഇറാനിയന് പൗരന്മാര്ക്ക് ഇന്ത്യയിലേക്ക് വരാന് വിസ നല്കുന്നതില് എംബസിയിലെ ഒരു സെക്രട്ടറി നിയമവിരുദ്ധമായി ഇടപെട്ടുവെന്ന് റോ ചൂണ്ടിക്കാട്ടയിട്ടും അന്സാരി നടപടിയെടുക്കാതിരുന്നിരുന്നു.
