തിരുവന്തപുരം: സംസ്ഥാനത്ത് വൈദ്യുതി നിരക്ക് കുത്തനെകൂട്ടി. നിരക്ക് വര്ദ്ധനവ് 6.8 ശതമാനമാണ്. പ്രതിമാസം 50 യൂണിറ്റ് വരെ ഉപയോഗിക്കുന്നവര്ക്ക് അഞ്ചുരൂപ കൂടും. പ്രതിമാസം 40 യൂണിറ്റ് ഉപയോഗിക്കുന്നവര്ക്ക് വര്ധനയില്ല. 2019-22 കാലത്തേക്കാണ് വര്ധന. ബി.പി.എല് വിഭാഗത്തിന് വര്ധനയില്ല. പുതുക്കിയ വൈദ്യുതി നിരക്ക് ഇന്ന് മുതല് പ്രാബല്യത്തില് വന്നെന്ന് റെഗുലേറ്ററി കമ്മീഷന് ചെയര്മാന് പ്രേമന് ദിനരാജ് അറിയിച്ചു.പ്രതിമാസം 50 യൂണിറ്റ് വൈദ്യുതി ഉപയോഗിക്കുന്നവര്ക്ക് യൂണിറ്റൊന്നിന് 25 പൈസ വര്ധിപ്പിച്ചു. 50 മുതല് 100 യൂണിറ്റ് വരെ ഉപയോഗിക്കുന്നവര്ക്ക് യൂണിറ്റൊന്നിന് 50 പൈസയുമാണ് വര്ധിപ്പിച്ചത്.
അതേസമയം, വൈദ്യുതി നിയന്ത്രണം ഉടന് ഏര്പ്പെടുത്തേണ്ടെന്ന് കെ.എസ്.ഇ.ബി തീരുമാനിച്ചു. ഈ മാസം പതിനഞ്ചുവരെ വൈദ്യുതി നിയന്ത്രണം ഏര്പ്പെടുത്തില്ലെന്ന് ചെയര്മെന് എന്.എസ്.പിള്ള പറഞ്ഞു. അണക്കെട്ടുകളില് ഇപ്പോള് 432 ദശലക്ഷം യൂണിറ്റ് വൈദ്യുതോല്പാദനത്തിനുളള ജലമുണ്ട്. അടുത്തയാഴ്ച കാലവര്ഷം ശക്തിപ്പെടുമെന്നാണ് കാലാവസ്ഥാന പ്രവചനം. ഈ മാസം പതിനഞ്ചിന് വീണ്ടും യോഗംചേര്ന്ന് സ്ഥിതി പുനരവലോകനം ചെയ്യുമെന്നും കെ.എസ്.ഇ.ബി ചെയര്മാന് എന്.എസ്. പിള്ള പറഞ്ഞു.
അണക്കെട്ടുകളില് ജൂണ്മാസത്തെ നീരൊഴുക്ക് ചരിത്രത്തിലെ ഏറ്റവും കുറവ്. ഈ വര്ഷം കിട്ടിയത് 168 ദശലക്ഷം യൂണിറ്റ് വൈദ്യുതിക്കുള്ള വെള്ളം മാത്രം. ഇതിന് മുമ്പ് ഇത് 305 ദശലക്ഷം യൂണിറ്റായിരുന്നു. വൈദ്യുതിനിരക്ക് യൂണിറ്റിന് ശരാശരി 60 പൈസമുതല് 70 പൈസ വരെ കൂട്ടണമെന്നാണ് ആവശ്യപ്പെട്ടതെന്ന് വൈദ്യുതി ബോര്ഡ് ചെയര്മാന് എന്.എസ്.പിള്ള. വരവ് ചെലവ് കണക്കുകള് റഗുലേറ്ററി കമ്മിഷന് സമര്പ്പിച്ചു. വൈദ്യുതി ബോര്ഡിന്റെ കമ്മി എണ്ണായിരം കോടിരൂപ കവിഞ്ഞു.
