ന്യൂദല്ഹി : നീതി ആയോഗിന്റെ നടത്തിപ്പിനായി 40 മിടുക്കരായ ഉദ്യോഗസ്ഥന്മാരുടെ സേവനം ആവശ്യപ്പെട്ട് പ്രധാനമന്ത്രി നരേന്ദ്രമോദി. കേന്ദ്ര നയ രൂപീകരണത്തിനും പദ്ധതികള് ആസൂത്രണം ചെയ്യുന്നതിനും മിടുക്കരായ ഉദ്യോഗാര്ത്ഥികളേയാണ് മോദി സര്ക്കാര് ലക്ഷ്യം വെയ്ക്കുന്നത്. ഇതിനായി ആദ്യം സ്വകാര്യ മേഖലയില് നിന്നും ലാറ്ററല് എന്ട്രി വഴി ഉദ്യോഗസ്ഥരെ തെരഞ്ഞെടുക്കാനാണ് നിലവില് തീരുമാനിച്ചിരിക്കുന്നത്.
രാജ്യത്തിന്റെ നിര്ണ്ണായക തീരുമാനങ്ങള് കൈക്കൊള്ളാന് ഐഎഎസുകാരെ മാത്രമല്ല സ്വകാര്യ മേഖലയില് കഴിവ് തെളിയിച്ച വ്യക്തിത്വങ്ങളേയും തെരഞ്ഞെടുക്കാമെന്നതാണ് സര്ക്കാര് തീരുമാനത്തിലൂടെ അറിയിച്ചത്. ഇവര്ക്ക് മികച്ച ശമ്പളവും കേന്ദ്ര സര്ക്കാര് ഉറപ്പ് നല്കുന്നുണ്ട്.
ഇതിനായി സംസ്ഥാന തലങ്ങളിലും അര്ധസര്ക്കാര് സ്ഥാപനങ്ങളിലും പ്രവര്ത്തിക്കുന്നവര്ക്കും അപേക്ഷിക്കാം. സീനിയര് സ്പെഷ്യലിസ്റ്റ് എന്ന തസ്തികയില് 2,20,000 രൂപയാണ് ശമ്പളം. കേന്ദ്ര സര്ക്കാര് കേഡറില് പേ ലെവല് 13 ഗ്രേഡിലുള്ള ഈ തസ്തികയില് കരാര് അടിസ്ഥാനത്തിലാണ് നിയമനം. 33നും 50നും പ്രായം ആവശ്യമാണ്. ഇതിന് ചുരുങ്ങിയത് 10 വര്ഷത്തെ പ്രവൃത്തി പരിചയമാണ് വേണ്ടത്.
മികച്ച പദ്ധതികള് നടപ്പാക്കിയും ആസൂത്രണം ചെയ്തും വ്യക്തമായ പരിചയവും വേണം. സ്പെഷ്യലിസ്റ്റ്, പേ ലെവല് 12ലുള്ള തസ്തികയാണ്. 1.05 ലക്ഷം രൂപയാണ് ശമ്പളം.
കൃഷി, സാമ്പത്തിക ശാസ്ത്രം, ഡേറ്റ അനലിസ്റ്റ് പ്ലാറ്റ്ഫോം, എന്ജിനീയറിങ്, ഹെല്ത്ത് മേഖലയിലെ ടെക്നോളജി, ഉന്നത വിദ്യാഭ്യാസം, നാഷണല് ന്യുട്രീഷന് മിഷന്, ചെറുകിട വ്യവസായം, ഇന്ഫ്രാസ്ട്രക്ച്ചര് കണക്ടിവിറ്റി, തുടങ്ങിയ പല മേഖലകളിലും പ്രവൃത്തിപരിചയം ആവശ്യമുള്ളവരെയാണ് കേന്ദ്ര സര്ക്കാര് ലക്ഷ്യമിടുന്നത്.
