കൊച്ചി : മഞ്ചേശ്വരം നിയമസഭാ തെരഞ്ഞെടുപ്പുമായി ബന്ധപ്പെട്ട കേസിലെ നടപടികള് ഹൈക്കോടതി ഇന്ന് അവസാനിപ്പിക്കും. കേസ് പിന്വലിക്കാന് ബിജെപി നേതാവ് കെ സുരേന്ദ്രന് ഹൈക്കോടതി നേരത്തെ അനുമതി നല്കിയിരുന്നു. ഇതിന്റെ പശ്ചാത്തലത്തിലാണ് നടപടി ക്രമങ്ങള് അവസാനിപ്പിക്കുന്നത്.
ഹര്ജി പിന്വലിക്കുന്നതില് ആക്ഷേപമുണ്ടങ്കില് അറിയിക്കാന് കോടതി അനുവദിച്ച 10 ദിവസത്തെ സമയം ഇന്ന് അവസാനിക്കും. ഇതോടെയാണ് കേസ് നടപടികള് പൂര്ണമാകുക. യുഡിഎഫ് സ്ഥാനാര്ത്ഥി അബ്ദുള് റസാഖ് കള്ളവോട്ടിലൂടെയാണെന്ന് ചൂണ്ടിക്കാട്ടിയാണ് കെ. സുരേന്ദ്രന് ഹര്ജി നല്കിയത്.
കേസിലെ കക്ഷികള്ക്ക് സമന്സ് എത്തിക്കാന് പോലും സാധിക്കാത്ത സാഹചര്യത്തില് മുഴുവന് സാക്ഷികളെയും വിസ്തരിക്കാന് കഴിയില്ലെന്ന് ചൂണ്ടിക്കാട്ടിയാണ് സുരേന്ദ്രന് ഹര്ജി പിന്വലിക്കാന് അപേക്ഷ നല്കിയത്.
