പ്രകൃതി ഃ പഞ്ചഭൂതാനി ഗ്രഹാ ലോകാഃ സ്വരാസ്തഥാ
ദിശഃ കാലശ്ച സര്വേഷാം സദാ കുര്വന്തു മംഗളം
ത്രിഗുണയുക്തമായ പ്രകൃതിയും പഞ്ചഭൂതങ്ങളും നവഗ്രഹങ്ങളും മൂന്ന് ലോകങ്ങളും അതായത് ഏഴ് ഊര്ധ്വലോകങ്ങളും ഏഴ് അധോലോകങ്ങളും സപ്തസ്വരങ്ങളും പത്ത് ദിക്കുകളും മൂന്ന് കാലങ്ങളും എല്ലായ്പ്പോഴും എല്ലാവര്ക്കും മംഗളകാരണങ്ങളായിരിക്കട്ടെ.
ഗ്രഹം
സൗരയൂഥത്തില് സൂര്യനെ വലം വെയ്ക്കുന്ന ഗോളങ്ങളാണ് ഗ്രഹങ്ങള്. ജ്യോതിശ്ശാസ്ത്രത്തില് ഇവ വ്യത്യാസപ്പെട്ടിരിക്കുന്നു. ശുക്രന്, ശനി, വ്യാഴം, എന്നീ അഞ്ചുഗ്രഹങ്ങളെക്കൂടാതെ സൂര്യചന്ദ്രന്മാരും ഛായാഗ്രഹങ്ങളായ രാഹുകേതുക്കളും ഉള്പ്പെടെ ഒമ്പതു ഗ്രഹങ്ങളെന്നാണ് ജ്യോതിശ്ശാസ്ത്ര സൗരയൂഥം സമര്ഥിക്കുന്നത്.
ജ്യോതിഷത്തില് ഇവയുടെ ഗതിയും ഉദയാസ്തമയവുമെല്ലാം കണക്കാക്കിയിട്ടുണ്ട്. ഇവയുടെ ഗതിയും വ്യത്യസ്തസമയങ്ങളില് അവയുടെ സ്ഥാനങ്ങളും ഭൂമിയിലെ ജീവജാലങ്ങളെ സ്വാധീനിക്കുന്നതായും അത് അവയുടെ ജീവിതത്തില് ശുഭാശുഭ പ്രഭാവങ്ങള് ഉണ്ടാക്കുന്നതായും ജ്യോതിശ്ശാസ്ത്രത്തില് പരാമര്ശിക്കുന്നു.
ഗുരുത്വാകര്ഷണത്തെ തുടര്ന്ന് സമുദ്രത്തിലെ വേലിയേറ്റ വലിയിറക്കങ്ങള് തുടങ്ങിയ സ്ഥൂലപ്രഭാവങ്ങളും, ദൃശ്യപ്രകാശങ്ങള് പോലുള്ള വൈദ്യുതകാന്തിക തരംഗങ്ങളുടേയും മറ്റും പ്രഭാവങ്ങളും ആധുനിക ശാസ്ത്രം പോലും അംഗീകരിച്ചു കഴിഞ്ഞു.
സമുദ്രമഥനം കഴിഞ്ഞ് ആള്മാറാട്ടം നടത്തി ദേവന്മാര്ക്കിടയില് കയറി അമൃതു സേവിച്ചതിനാല് ശിരസ്സും ഉടലും വേര്പെട്ട അസുരനാണ് പുരാണങ്ങളില് പറയുന്ന രാഹുകേതുക്കള്. ജ്യോതിഷത്തില് ഇവയ്ക്കും പ്രത്യേകസ്ഥാനമുണ്ട്. അസുരന് അമൃതപാനം നടത്തിയ വിവരം ദേവന്മാരില് നിന്ന് വിഷ്ണു ഭഗവാന് അറിഞ്ഞു. തുടര്ന്ന് സുദര്ശനചക്രത്താല് ഭഗവാന് അസുരന്റെ ശിരസ്സറുത്തു. മംഗളകര്മപൂജാവിധികളിലും നവഗ്രഹപൂജ പതിവാണ്.
(ഹോ. വെ. ശേഷാദ്രിയുടെ ഏകാത്മതാസ്തോത്രം വ്യാഖ്യാനത്തില് നിന്ന്)
– തുടരും
