പത്തനംതിട്ട: ദേവസ്വം ബോര്ഡിലും സ്വകാര്യ, എയ്ഡഡ് മേഖലകളിലും പട്ടികജാതി സംവരണം നടപ്പാക്കണമെന്ന് ഭാരതീയ വേലന് സര്വ്വീസ് സൊസൈറ്റി സംസ്ഥാന പ്രതിനിധി സമ്മേളനം ആവശ്യപ്പെട്ടു. ദേവസ്വം ബോര്ഡ് ക്ഷേത്രങ്ങളില് വേലന് സമുദായ അംഗങ്ങള് നടത്തിവന്നിരുന്ന പള്ളിപ്പാന, പറകൊട്ടിപ്പാട്ട് എന്നീ ആചാരാനുഷ്ഠാനങ്ങല് തുടരുന്നതിന് സംവരണ വ്യവസ്ഥയില് സമുദായ പ്രാതിനിധ്യം ഉറപ്പാക്കുന്നതിന് ദേവസ്വം ബോര്ഡ് നടപടി സ്വീകരിക്കണമെന്നും സംസ്ഥാന പ്രതിനിധി സമ്മേളനം പ്രമേയത്തിലൂടെ സര്ക്കാരിനോട് ആവശ്യപ്പെട്ടു.
മാത്യു ടി തോമസ് എംഎല്എ ഉദ്ഘാടനം ചെയ്തു. സംസ്ഥാന പ്രസിഡന്റ് കെ.കെ. ശശി അദ്ധ്യക്ഷനായി. ചെറുകിട വസ്ത്ര നിര്മ്മാണ യൂണിറ്റ് പുറമറ്റം ഗ്രാമപഞ്ചായത്ത് പ്രസിഡന്റ് റെയ്ച്ചല് ബോബന് ഉദ്ഘാടനം ചെയ്തു. എസ്എസ്എല്സി, പ്ലസ് ടൂ പരീക്ഷകളില് ഉന്നത വിജയം നേടിയ കുട്ടികള്ക്ക് ക്യാഷ് അവാര്ഡും മെമന്റോയും നല്കി അനുമോദിച്ചു. സമുദായ അംഗങ്ങളുടെ കുടുംബങ്ങളിലെ വിവിധ ക്ലാസുകളില് വിജയികളായ കുട്ടികളെ അനുമോദിച്ചു. പി. ഉണ്ണികൃഷ്ണന്, സുനില് നെടുമ്പ്രം,
പൊന്നമ്മ ചാലാപ്പള്ളി, വി.കെ. സോമന്, പി.എസ്. ഗോവിന്ദന്, സുമംഗല, വിനോദ് അങ്ങാടിക്കല്, സുജിത്കുമാര്, അനില് വി പരിയാരം, ബിനുരാജ്, സനോജ്, പി.കെ. വിനയകുമാര്, അങ്ങാടിക്കല് രാമകൃഷ്ണന് എന്നിവര് പ്രസംഗിച്ചു.
സംസ്ഥാന ഭാരവാഹികളായി പി.എസ്. ഗോവിന്ദന് (രക്ഷാധികാരി), കെ.കെ. ശശി (പ്രസിഡന്റ്), വി.കെ. സോമന്, വിനോദ് അങ്ങാടിക്കല് (വൈസ് പ്രസിഡന്റ്), സുനില് നെടുമ്പ്രം (ജനറല് സെക്രട്ടറി), സത്യന് അങ്ങാടിക്കല്, കെ.ജി. രവി പുറമുറ്റം, വി.എന്. ജ്യോതി കണ്ണൂര് (ജോ.സെക്രട്ടറി), പി.കെ. വിനയകുമാര് (ട്രഷറര്) എന്നിവരെ തെരഞ്ഞെടുത്തു.
