ന്യൂദൽഹി: വോട്ടെണ്ണുന്നതിന് മണിക്കൂറുകൾ മാത്രം അവശേഷിക്കേ വോട്ടിങ് മെഷീനുകൾ സൂക്ഷിച്ചിരിക്കുന്ന സ്ട്രോങ് റൂമുകൾക്ക് പ്രതിപക്ഷ പാർട്ടികൾ കാവൽ ഏർപ്പെടുത്തി. പ്രധാനപ്പെട്ട മണ്ഡലങ്ങളിലെ സ്ട്രോങ് റൂമുകൾക്ക് മുന്നിൽ ടെന്റ് കെട്ടിയാണ് പ്രതിപക്ഷ പാർട്ടി പ്രവർത്തകർ കാവലിരിക്കുന്നത്.
രാഷ്‌ട്രീയപാർട്ടികൾക്ക് ടെന്റ് കെട്ടാനുള്ള സൗകര്യം തെരഞ്ഞെടുപ്പ് കമ്മിഷൻ ചെയ്തുകൊടുത്തിരുന്നു. ശക്തമായ ത്രികോണ മത്സരം നടക്കുന്ന മീററ്റിൽ എസ്‌പി, ബി‌എസ്‌പി പ്രവർത്തകർ കാവലിരിക്കുകയാണ്. സ്ട്രോങ് റൂമിൽ നിന്നും 200 മീറ്റർ മാറിയാണ് ടെന്റ്. സിസിടിവി ദൃശ്യങ്ങൾ ടെന്റുകളിൽ കിട്ടുമെങ്കിലും ബൈനോക്കുലർ നേതാക്കൾ എത്തിച്ചിട്ടുണ്ട്.
വരും മണിക്കൂറുകൾ നിർണായകമെന്ന് കോൺഗ്രസ് അധ്യക്ഷൻ രാഹുൽ ഗാന്ധി. പ്രവർത്തകർ ജാഗ്രത പാലിക്കണമെന്നും രാഹുൽ ആവശ്യപ്പെട്ടു.
