ചെന്നൈ കിങ്‌സ്

ചെന്നൈ: ദക്ഷിണാഫ്രിക്കന്‍ താരം ഫാ ഡുപ്ലെസിസ്, ഹര്‍ഭജന്‍ സിങ് എന്നിവരുടെ മികവില്‍ ചെന്നൈ സൂപ്പര്‍ കിങ്ങ്‌സിന് അനായാസ വിജയം. ഐപിഎല്ലില്‍ അവര്‍ 22 റണ്‍സിന് കിങ്‌സ് ഇലവന്‍ പഞ്ചാബിനെ തോല്‍പ്പിച്ചു.

ഇൗ സീസണില്‍ ഇതാദ്യമായി ചെന്നൈക്കായി കളത്തിലിറങ്ങിയ ഡുപ്ലെസിസിന്റെ അര്‍ധ സെഞ്ചുറിയില്‍ ഇരുപത് ഓവറില്‍ 160 റണ്‍സ് നേടിയ ചെന്നൈ ഹര്‍ഭജന്റെ സ്പിന്നില്‍ കിങ്ങ്‌സ് ഇലവന്‍ പഞ്ചാബിനെ 20 ഓവറില്‍ അഞ്ചു വിക്കറ്റിന് 138 റണ്‍സിലൊതുക്കി നിര്‍ത്തി.

വിജയം ലക്ഷ്യമിട്ടിറങ്ങിയ പഞ്ചാബിന് തുടക്കത്തില്‍ തന്നെ ഹര്‍ഭജന്‍ പ്രഹരമേല്‍പ്പിച്ചു. മുന്ന് പന്തിനിടെ ഓപ്പണര്‍ ക്രിസ് ഗെയിലിനെയും (5) മായങ്ക് അഗര്‍വാളിനെയും (0) ഹര്‍ഭജന്‍ മടക്കി അയച്ചു. പഞ്ചാബ് രണ്ടിന് ഏഴു റണ്‍സ്്. തുടര്‍ന്നെത്തിയ സര്‍ഫ്രാസ് ഖാന്‍ ഓപ്പണര്‍ രാഹുലിന് മികച്ച പിന്തുണ നല്‍കിയതോടെ പഞ്ചാബ് സ്‌കോര്‍ ഉയര്‍ന്നു. ഇരുവരും ചേര്‍ന്ന് മൂന്നാം വിക്കറ്റില്‍ 110 റണ്‍സ് കൂട്ടിച്ചേര്‍ത്തു. അവസാന ഓവറുകളില്‍ റണ്‍റേറ്റുയര്‍ത്താന്‍ കൂറ്റനടികള്‍ക്ക്് ശ്രമിച്ച രാഹുലും സര്‍ഫ്രസ് ഖാനും വീണതോടെ പഞ്ചാബ് തോല്‍വിയിലേക്ക് കൂപ്പുകുത്തി. രാഹുല്‍ 47 പന്തില്‍ മൂന്ന് ഫോറും ഒരു സിക്‌സറും അടക്കം 55 റണ്‍സ് എടുത്തു. സര്‍ഫ്രസ് ഖാന്‍ 59 പന്തില്‍ നാല് ഫോറും രണ്ട് സിക്‌സറും ഉള്‍പ്പെടെ 67 റണ്‍സ് കുറിച്ചു.

നേരത്തെ ഡുപ്ലെസിസിന്റെ മികവാര്‍ന്ന ബാറ്റിങ്ങിലാണ് ചെന്നൈ ഇരുപത് ഓവറില്‍ മൂന്ന് വിക്കറ്റിന് 160 റണ്‍സ് എടുത്തത്. ഡുപ്ലെസിസ് 38 പന്തില്‍ നാല് സിക്‌സറും രണ്ട് ഫോറുമടക്കം 54 റണ്‍സ് സ്വന്തംപേരില്‍ കുറിച്ചു. ക്യാപ്റ്റന്‍ ധോണി 23 പന്തില്‍ 37 റണ്‍സുമായി കീഴടങ്ങാതെ നിന്നു. നാല് ഫോറും ഒരു സിക്‌സറും ഉള്‍പ്പെട്ട ഇന്നിങ്ങ്‌സ്. അമ്പാട്ടി റായ്ഡു 15 പന്തില്‍ 21 റണ്‍സുമായി പുറത്താകാതെ നിന്നു. ഒരു ഫോറും ഒരു സിക്‌സറും അടിച്ചു. പഞ്ചാബിന്റെ ക്യാപ്റ്റന്‍ അശ്വിന്‍ നാല് ഓവറില്‍ 23 റണ്‍സിന് മൂന്ന് വിക്കറ്റ് വീഴ്‌ത്തി. 

ടോസ് നേടിയ ചെന്നൈ സൂപ്പര്‍ കിങ്ങ്‌സ് ബാറ്റിങ്ങ് തെരഞ്ഞെടുക്കുകയായിരുന്നു.

സ്‌കോര്‍ബോര്‍ഡ്

ചെന്നൈ സൂപ്പര്‍ കിങ്ങ്്‌സ്് വാട്‌സണ്‍ സി കറണ്‍ ബി ആര്‍. അശിന്‍ 26, ഫാ ഡുപ്ലെസിസ് സി മില്ലര്‍ ബി ആര്‍. അശ്വിന്‍ 54, റെയ്‌ന ബി ആര്‍. അശ്വിന്‍ 17, എം.എസ്. ധോണി നോട്ടൗട്ട് 37, റായിഡു നോട്ടൗട്ട് 21 , എക്‌സ്ട്രാസ് 5, ആകെ 20 ഓവറില്‍ മൂന്ന് വിക്കറ്റിന് 160.

വിക്കറ്റ് വീഴ്ച: 1-56, 2-100, 3-100

ബൗളിങ്: മുഹമ്മദ് ഷമി 4-0-41-0, ആര്‍. അശ്വിന്‍ 4-0-23-3, സാം കറന്‍ 4-0-38-0, എ.ജെ. ടൈ 4-0-38-0, എം. അശ്വിന്‍ 4-0-23-0.

കിങ്ങ്‌സ്ഇലവന്‍ കെ.എല്‍. രാഹുല്‍ സി ജഡേജ ബി കുഗേലിന്‍ 55, ക്രിസ് ഗെയില്‍ സി ധോണി ബി ഹര്‍ഭജന്‍ സിങ് 5, എം.എ. അഗര്‍വാള്‍ സി ഡുപ്ലെസിസ് ബി ഹര്‍ഭജന്‍ സിങ് 0, എസ്.എന്‍. ഖാന്‍ സി ഡുപ്ലെസിസ് ബി കുഗേലിന്‍ 67, ഡി.എ. മില്ലര്‍ ബി ചഹാര്‍ 6, മന്ദീപ് സിങ് നോട്ടൗട്ട് 1, സാം കറണ്‍ നോട്ടൗട്ട് 0, എക്‌സ്ട്രാസ് 4, ആകെ 20 ഓവറില്‍ അഞ്ചു വിക്കറ്റിന് 138 

വിക്കറ്റ്് വീഴ്ച: 1-7, 2-7,3-117, 4-135, 5-137.

ബൗളിങ്: ഡി.എല്‍. ചഹാര്‍ 4-0-40-1, ഹര്‍ഭജന്‍ സിങ് 4-1-17-2, കുഗേലിന്‍ 4-0-37-2, ജഡേജ 4-0-24-0, ഇംറാന്‍ താഹിര്‍ 4-0-20-0.