ലഖ്നൗ: സമാജ്വാദി പാര്ട്ടിയുടെ സ്ഥാനാര്ഥി പട്ടിക വന്നപ്പോള് മുലായം സിങ് യാദവിന് തിരിച്ചടി. അസംഗഡ് മണ്ഡലത്തില് നിന്ന് പാര്ട്ടിയെ പ്രതിനിധീകരിച്ചിരുന്ന മുലായത്തെ ഇത്തവണ അവിടെ നിന്ന് ഒഴിവാക്കി. പകരം അവിടെ നിന്ന് മകനും മുന് മുഖ്യമന്ത്രിയുമായ അഖിലേഷ് യാദവ് മത്സരിക്കും.
സീറ്റ് നല്കിയില്ല എന്നു മാത്രമല്ല, അച്ഛന് വോട്ടു ചോദിക്കാനിറെേണ്ടന്നും മകന് തീരുമാനിച്ചു. പാര്ട്ടിയുടെ പ്രധാന തെരഞ്ഞെടുപ്പു പ്രചാരകരുടെ പട്ടികയിലും മുലായമില്ല. ബിഎസ്പിയുമായുള്ള എസ്പിയുടെ സഖ്യത്തെ പലപ്പോഴും വിമര്ശിച്ചതാണ് മുലായത്തെ അനഭിമതനാക്കിയത്. അസംഗഡില് നിന്ന് ഒരിക്കല്ക്കൂടി മുലായത്തിനു മത്സരിക്കാന് അവസരം നല്കുമെന്നാണ് കരുതിയതെങ്കിലും അഖിലേഷ് അതിന് സമ്മതിച്ചില്ലെന്നാണ് സൂചന. മയിന്പുരിയില് നിന്ന് ഇത്തവണ മുലായം മത്സരിക്കേണ്ടി വരും.
കഴിഞ്ഞ തവണ അസംഗഡിലും മയിന്പുരിയിലുമാണ് മുലായം മത്സരിച്ചത്. പിന്നീട് മയിന്പുരിയില് നിന്നു രാജിവെച്ചു. നരേന്ദ്ര മോദി പ്രധാനമന്ത്രിയാവണമെന്ന് മുലായം ലോക്സഭയില് പ്രസംഗിച്ചത് പ്രതിപക്ഷസഖ്യത്തെയാകെ അമ്പരപ്പിച്ചിരുന്നു. അതോടെ മുലായം-അഖിലേഷ് ബന്ധം കൂടുതല് വഷളായെന്ന് റിപ്പോര്ട്ടുകളുണ്ടായിരുന്നു.
