ആലപ്പുഴ: ആലപ്പുഴയില് മുസ്ലിം ഐക്യവേദിയുടെ നേതൃത്വത്തില് കശ്മീരീകളെ ഉള്െപ്പടെ പങ്കെടുപ്പിച്ച് കലാപാഹ്വാനവുമായി നടത്തിയ പ്രകടനത്തെ കുറിച്ചുള്ള അന്വേഷണം എങ്ങുമെത്തിയില്ല. കഴിഞ്ഞ ഏപ്രിലിലാണ് കൊല്ലപ്പെട്ട കശ്മീരി പെണ്കുട്ടിക്ക് നീതി തേടി ആലപ്പുഴ നഗരത്തില് പ്രകടനം നടന്നത്. പ്രകടനത്തില് മതവിദ്വേഷം ആളിക്കത്തിക്കുന്ന മുദ്രാവാക്യങ്ങളായിരുന്നു ഉയര്ന്നത്.
അന്യസംസ്ഥാനക്കാരുടെ ചിത്രങ്ങള് സഹിതമുള്ള പത്രവാര്ത്തയുടെ അടിസ്ഥാനത്തില് പോലീസ് രഹസ്യാന്വേഷണ വിഭാഗം അന്വേഷണം തുടങ്ങിയതായി പ്രചാരണമുണ്ടായെങ്കിലും തുടര്നടപടിയുണ്ടായില്ല. പത്രത്തില് പ്രസിദ്ധീകരിച്ച ചിത്രങ്ങള് പോലീസ് ശേഖരിച്ചതല്ലാതെ അന്വേഷണം കാര്യക്ഷമമായി നടന്നില്ല. കശ്മീരി പെണ്കുട്ടി കൊല്ലപ്പെട്ടതിന്റെ മറവില് നടത്തിയ ഹര്ത്താലില് അന്ന് സംസ്ഥാന വ്യാപകമായി കലാപാഹ്വാനങ്ങളും അക്രമങ്ങളും അരങ്ങേറിയിരുന്നു. ഇവ തികച്ചും ആസൂത്രിതമാണെന്ന് വ്യക്തമാക്കുന്നതായിരുന്നു അന്യദേശക്കാരുടെ സാന്നിധ്യം.
ആലപ്പുഴയിലെ കായല്ടൂറിസം മേഖല കേന്ദ്രീകരിച്ച് അന്യസംസ്ഥാനക്കാര് തങ്ങുന്നുണ്ട്. കൂടാതെ വിനോദസഞ്ചാരത്തിനായും ധാരാളം ആളുകള് എത്തുന്നു. ഹൗസ്ബോട്ടുകളിലും റിസോര്ട്ടുകളിലും തങ്ങുന്ന ഇക്കൂട്ടരുടെ ഇടപാടുകള് എന്താണെന്നതിനെക്കുറിച്ച് ഇതുവരെ അന്വേഷണം നടന്നിട്ടില്ല. ചില സ്ഥാപനങ്ങളില് കശ്മീരികള് അടക്കമുള്ളവര് പ്രവര്ത്തിക്കുന്നുണ്ട്. അവരുടെ പ്രവര്ത്തനങ്ങളും നിഗൂഢമാണ്. രാജ്യത്തെ നടുക്കിയ ഭീകരാക്രമണങ്ങളില് പങ്കെടുത്തവര് കേരളത്തില് തങ്ങിയിരുന്നെന്നും പരിശീലനം നേടിയെന്നും പിന്നീട് വ്യക്തമായിരുന്നു.
