ന്യൂദല്ഹി: അന്താരാഷ്ട്ര യോഗ ദിന പരിപാടിക്ക് ആതിഥേയത്വം വഹിച്ചതിന് കൊല്ക്കത്തയിലെ ജനങ്ങള്ക്ക് പ്രധാനമന്ത്രി നരേന്ദ്ര മോദി നന്ദി പറഞ്ഞു.
‘ഈ വര്ഷത്തെ യോഗ ദിനാഘോഷങ്ങള്ക്ക് ഇത്രയും അത്ഭുതകരമായ ആതിഥേയത്വം വഹിച്ചതിന് കൊല്ക്കത്തയിലെ എന്റെ സഹോദരീസഹോദരന്മാര്ക്ക് എന്റെ നന്ദി അറിയിക്കുന്നു. ഇത്രയും ഊര്ജ്ജസ്വലമായ ഒരു നഗരത്തില് യോഗ ദിനം ആഘോഷിക്കുന്നത് വളരെയധികം അഭിമാനകരമാണ്,’ പ്രധാനമന്ത്രി എക്സിലെ പോസ്റ്റില് വ്യക്തമാക്കി.
‘യോഗ ദിനത്തിനായുള്ള ഒരുക്കങ്ങള്ക്കിടെ, നഗരത്തിലുടനീളം ഒരു ശുചിത്വ കാമ്പയിന് നടത്തി. അതും വളരെ പ്രചോദനാത്മകമായിരുന്നു. പൗരധര്മ്മങ്ങള് നിര്വഹിക്കുന്നതുമായി ബന്ധപ്പെട്ട് കൊല്ക്കത്തയിലെ ജനങ്ങള് നല്കിയ ഒരു പ്രധാന സന്ദേശമാണിത്. ‘ അദ്ദേഹം പറഞ്ഞു.
വിവിധ സ്ഥലങ്ങളില് പ്രധാനമന്ത്രി ആഘോഷങ്ങള്ക്ക് നേതൃത്വം നല്കി.
ജൂണ് 21 അന്താരാഷ്ട്ര യോഗ ദിനമായി ആചരിക്കാനുള്ള ഇന്ത്യയുടെ നിര്ദ്ദേശം 2015 ലാണ് ഐക്യരാഷ്ട്രസഭ പൊതുസഭ അംഗീകരിച്ചത്.
അന്താരാഷ്ട്ര യോഗ ദിന പരിപാടിക്ക് ആതിഥേയത്വം: കൊല്ക്കത്തയിലെ ജനങ്ങള്ക്ക് നന്ദി പറഞ്ഞ് പ്രധാനമന്ത്രി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.