പയ്യാവൂര്: ശ്രീ മുത്തപ്പന്റെ ആരൂഢസ്ഥാനമായ കുന്നത്തൂര്പാടി മുത്തപ്പന് ദേവസ്ഥാനത്തെ തിരുവപ്പന മഹോത്സവത്തിന് വന് ഭക്തജനപ്രവാഹം. കഴിഞ്ഞ രണ്ട് ദിവസങ്ങളില് മാത്രം മൂന്ന് ലക്ഷത്തോളം ഭക്തര് മുത്തപ്പ ദര്ശനത്തിനായി എത്തിയെന്നാണ് കണക്ക്. നാളിതുവരെയുണ്ടാകാത്ത ഭക്തജനത്തിരക്കാണിത്. 15ന് രാത്രിയോടെ ഒരു മാസം നീണ്ടു നില്ക്കുന്ന ഉത്സവം സമാപിക്കും ധനു രണ്ടു മുതല് മകരം രണ്ട് വരെയാണ് ഇവിടെ ഉത്സവം. സമാപനമായതോടെ പാടിയില് ദിവസവും ഭക്തജനത്തിരക്കാണ്. ഭൂരിപക്ഷം ഭക്തജനങ്ങളും സ്വകാര്യ വാഹനങ്ങളിലാണ് എത്തുന്നത്. കഴിഞ്ഞ ദിവസങ്ങളില് പാടിയില് നിന്നും നാല് ഭാഗത്തേക്കുമുള്ള റോഡുകളില് നാലും, അഞ്ചും കിലോമീറ്റര് ദൂരത്തില് വാഹനങ്ങളുടെ നീണ്ട നിരയായിരുന്നു. ഇതു കൊണ്ട് പല സ്ഥലങ്ങളില് നിന്നും എത്തിയവര് കിലോമീറ്ററുകളോളം നടന്നാണ് കുന്നത്തൂര് പാടിയില് എത്തിയത്. ദിവസവും വെള്ളാട്ടം, തിരുവപ്പന, ഒന്നിടവിട്ടദിവസങ്ങളില് മൂലംപെറ്റഭഗവതി എന്നിവയാണ് പാടിയില് നടക്കുന്നത്.
കുന്നത്തൂര് പാടിയില് വന് ഭക്തജനത്തിരക്ക്; ഉത്സവം 15 ന് സമാപിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.