തിരുവനന്തപുരം: ശബരിമലയിലെ നിരോധനാജ്ഞയും നിയന്ത്രണങ്ങളും പിന്വലിക്കുക, അയ്യപ്പ ഭക്തര്ക്ക് അടിസ്ഥാന സൗകര്യങ്ങള് ഏര്പ്പെടുത്തുക, അയ്യപ്പഭക്തര്ക്കെതിരെയുള്ള കള്ളക്കേസുകള് പിന്വലിക്കുക, ശബരിമലയില് അയ്യപ്പവേട്ട നടത്തിയ പോലീസ് ഉദ്യോഗസ്ഥര്ക്കെതിരെ നടപടി സ്വീകരിക്കുക തുടങ്ങിയ ആവശ്യങ്ങള് ഉന്നയിച്ച് ബിജെപി സെക്രട്ടേറിയറ്റിന് മുന്നില് നടത്തുന്ന നിരാഹാര സമരം ഇന്ന് 23-ാം ദിവസത്തിലേക്ക്. ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന് സെക്രട്ടേറിയറ്റിന് മുന്നില് ആരംഭിച്ച നിരാഹാര സമരം ഇന്ന് ഏഴാം ദിവസത്തിലേക്ക് കടക്കും.
22-ാം ദിവസമായ ഇന്നലെ സിനിമാ സംവിധായകന് രാജസേനന് നിരാഹാര സമരം ഉദ്ഘാടനം ചെയ്തു. ശബരിമലയുടെ സംരക്ഷണത്തിനായുള്ള ഈ ധര്മസമരം വിജയം കാണുമെന്ന് അദ്ദേഹം പറഞ്ഞു. ബിജെപി സംസ്ഥാന അധ്യക്ഷന് പി.എസ്. ശ്രീധരന്പിള്ള, സംസ്ഥാന സെക്രട്ടറിമാരായ വി.കെ സജീവന്, രേണു സുരേഷ്, സംസ്ഥാന ജനറല് സെക്രട്ടറി കെ. സുരേന്ദ്രന്, സംസ്ഥാന ഉപാധ്യക്ഷന് ഡോ.പി.പി വാവ, ഒ. രാജഗോപാല് എംഎല്എ, ജില്ലാ പ്രസിഡന്റ് അഡ്വ. എസ്. സുരേഷ്, സിനിമാ നടന് സന്തോഷ്, വിവിധ എന്ഡിഎ നേതാക്കള് ഇന്നലെ സമരപ്പന്തല് സന്ദര്ശിച്ചു.
