തിരുവനന്തപുരം: ഹിന്ദുസമൂഹത്തിന് എതിരായാണ് മുഖ്യമന്ത്രി പിണറായി വിജയന് പ്രവര്ത്തിക്കുന്നതെന്ന് ബിജെപി സംസ്ഥാന വക്താവ് അഡ്വ.ബി ഗോപാലകൃഷ്ണന്. ശബരിമലയിലെ നിരോധനാജ്ഞയും നിയന്ത്രണങ്ങളും പിന്വലിക്കുക, അയ്യപ്പഭക്തര്ക്ക് അടിസ്ഥാന സൗകര്യങ്ങള് ഏര്പ്പെടുത്തുക, അയ്യപ്പഭക്തര്ക്കെതിരെയുള്ള കള്ളക്കേസുകള് പിന്വലിക്കുക, ശബരിമലയില് അയ്യപ്പവേട്ട നടത്തിയ പോലീസ് ഉദ്യോഗസ്ഥര്ക്കെതിരെ നടപടി സ്വീകരിക്കുക തുടങ്ങിയ ആവശ്യങ്ങള് ഉന്നയിച്ച് ബിജെപി സെക്രട്ടേറിയറ്റിന് മുന്നില് നടത്തുന്ന നിരാഹാര സമരത്തിന്റെ 21-ാം ദിവസത്തെ അഭിസംബോധന ചെയ്യുകയായിരുന്നു അദ്ദേഹം. ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്റെ നിരാഹാര സമരം ഇന്ന് ആറാം ദിവസത്തേക്ക് കടക്കും.
ആക്ടിവിസ്റ്റുകളെ കയറ്റില്ലെന്ന് പറഞ്ഞ ദേവസ്വം മന്ത്രി കടകംപള്ളി സുരേന്ദ്രന് ഇന്നലെ മലക്കംമറിഞ്ഞു. മനിതി സംഘം പമ്പയില് എത്തിയതിന്റെ പശ്ചാത്തലത്തില് പിണറായി വിജയന്റെ ചെന്നൈ സന്ദര്ശനം അന്വേഷിക്കണം. കേന്ദ്രമന്ത്രിയുടെ വാഹനം നിലയ്ക്കലില് തടഞ്ഞവര് മനിതി സംഘത്തിന്റെ വാഹനം എങ്ങനെ പമ്പ വരെ പോയെന്ന് വ്യക്തമാക്കണമെന്നും ബി.ഗോപാലകൃഷ്ണന് പറഞ്ഞു.
ഒ.രാജഗോപാല് എംഎല്എ, സംസ്ഥാന ഉപാധ്യക്ഷന് ഡോ.പി.പി വാവ, സംസ്ഥാന സെക്രട്ടറി രേണു സുരേഷ്, ജില്ലാ പ്രസിഡന്റുമാരായ അഡ്വ.എസ് സുരേഷ്, ഗോപിനാഥ്, ഗോപന് ചെന്നിത്തല തുടങ്ങി വിവിധ എന്ഡിഎ നേതാക്കള് സമരപന്തല് സന്ദര്ശിച്ചു.
മനിതി സംഘം ശബരിമലയില് ആചാരലംഘനം നടത്താന് ശ്രമിച്ചതിനെതുടര്ന്ന് ബിജെപി, ശബരിമല കര്മസമിതി പ്രവര്ത്തകര് ജില്ലയില് വിവിധയിടങ്ങളില് നാമജപം നടത്തി. ഇന്നലെ രാവിലെ പതിനൊന്നോടെ നിരാഹാര പന്തലിന് മുന്നില് മുന്നില് ബിജെപി ജില്ലാ കമ്മറ്റിയുടെ ആഭിമുഖ്യത്തില് നടത്തിയ നാമജപം മനിതി സംഘം പമ്പയില് നിന്ന് മടങ്ങിയതോടെയാണ് സമാപിച്ചത്. തുടര്ന്ന് ബിജെപി പ്രവര്ത്തകര് ആഹ്ലാദ പ്രകടനം നടത്തി.
രാവിലെ പത്തോടെ ശബരിമല കര്മസമിതിയുടെ നേത്യത്വത്തില് ക്ലിഫ്ഹൗസിലേയ്ക്ക് നടത്തിയ നാമജപഘോഷയാത്ര ദേവസ്വം ബോര്ഡ് ജംഗ്ഷനില് പോലീസ് തടഞ്ഞു. തുടര്ന്ന് ശബരിമല കര്മസിതി പ്രവര്ത്തകര് റോഡില് കുത്തിയിരുന്ന് നാമജപം നടത്തി.
