ബൊട്ടാണിക്കല് നാമം:Terminalia bellirica
സംസ്കൃതം: കലിദ്രുമ,
ഭൂതവാസ, ബഹിര
തമിഴ്: താന്റീ
എവിടെ കാണാം: ഇന്ത്യയില് ഉടനീളം, ഇലപൊഴിയും കാടുകളിലും അര്ധ നിത്യഹരിത
വനങ്ങളിലും നാട്ടിന് പുറങ്ങളിലും കാണാം
പ്രത്യുത്പാദനം: വിത്തില് നിന്ന്
ചില ഔഷധ പ്രയോഗങ്ങള് : ത്രിഫലയില് ഒന്നാണ് താന്നി. മലബന്ധം, ദാഹം, എന്നിവ അകറ്റി രക്തശുദ്ധിയും കണ്ണിന് കാഴ്ചയും നല്കാന് ഉത്തമമാണ് ത്രിഫല ചൂര്ണം. ഇതിനെ രസായനങ്ങളില് രാജനെന്നു വിളിക്കുന്നു. നാലു നെല്ലിക്കാത്തൊണ്ട്, രണ്ട്് കടുക്കാത്തൊണ്ട്, ഒരു താന്നിക്കാത്തൊണ്ട് എന്ന ക്രമത്തിലെടുത്താണ് വൃദ്ധവൈദ്യന്മാര് ത്രിഫല ചൂര്ണത്തിന്റെ കൂട്ട് ഉണ്ടാക്കുന്നത്. ഇപ്പോള് ഇവ മൂന്നും സമമായെടുക്കുന്നവരും ഉണ്ട്. എങ്കിലും ത്രിഫല ചൂര്ണത്തിന്റെ ഗുണം പൂര്ണമായും ലഭിക്കണമെങ്കില് നാല്, രണ്ട്, ഒന്ന് എന്ന ക്രമത്തിലെടുക്കണം.
താന്നിക്കയുടെ പരിപ്പ് പൊടിച്ച് അര സ്പൂണ് ( രണ്ട് ഗ്രാം) എന്ന തോതില് നെയ്യില് ചാലിച്ച് കഴിച്ചാല് ശീഘ്രസ്ഖലനം മാറും. ത്രിഫലത്തൊണ്ട് നാല്, രണ്ട്, ഒന്ന് എന്ന ക്രമത്തിലെടുത്ത് അതിന് തുല്യം ഇരട്ടി മധുരവും കൂട്ടിപ്പൊടിച്ച്, ഒരു സ്പൂണ് പൊടി ( അഞ്ച് ഗ്രാം) പൊടി തേനും നെയ്യും ചേര്ത്ത് കിടക്കുന്നതിനു മുമ്പായി സേവിച്ചാല് കണ്ണിന്റെ കാഴ്ച്ചക്കുറവ് മാറും. കുട്ടികള്ക്ക് ഇത് ഏറെ ഫലപ്രദമാണ്. ഈ കൂട്ട് ഇരട്ടി മധുരം ഒഴിവാക്കി മൂന്ന് ദിവസം ജീരകകഷായത്തില് ഇട്ട് വെയിലത്തു വെച്ച് വറ്റിച്ച് പൊടിച്ച് വീണ്ടും ഇരട്ടി മധുരം കൂട്ടി പൊടിച്ച് പെരുംജീരക കഷായത്തില് ഒരു സ്പൂ
ണ് വീതം ദിവസവും രണ്ടു നേരം സേവിച്ചാല് കണ്ണിലെ ഞരമ്പുകള് ക്ഷീണിച്ച് ( ഒപ്റ്റിക് നെര്വ് )
കാഴ്ച നഷ്ടപ്പെടുന്നത് പൂര്ണമായും സുഖപ്പെടുത്താം.
താന്നിക്കാക്കുരു ആട്ടിയെടുത്ത എണ്ണ ഒരു ലിറ്റര്, തകരയരി, മഞ്ചട്ടിക്കോല്, ത്രിഫലത്തൊണ്ട്, വിഴാലരി, കാര്കോകിലരി, മഞ്ഞള്, നറുനീണ്ടിക്കിഴങ്ങ്, ചീനപ്പാവ് ഇവ ഓരോന്നും മുപ്പത് ഗ്രാം വീതം അരച്ചുകലക്കി നാലുലിറ്റര് കറുക നീരില് ചേര്ത്ത് അരക്കുമധ്യേ പാകത്തില് കാച്ചിയരച്ച് തേച്ചാല് എല്ലാത്തരം ത്വക്ക്രോഗങ്ങളും മാറും.
ബൃഹത് ത്രിഫലാദി ഘൃതം കഴിക്കുന്നത് കണ്ണിനേയും തലച്ചോറിനേയും ബാധിക്കുന്ന എല്ലാ രോഗങ്ങള്ക്കും ഫലപ്രദമാണ്. ത്രിഫലാദി തൈലം തേച്ചാല് കഴുത്തിനു മേലോട്ടുള്ള ഭാഗത്തെ എല്ലാ രോഗങ്ങളും ശമിക്കും.
