കണ്ണൂര്: കാങ്കോല്-ചീമേനി റോഡ് കിഫ്ബി ഫണ്ടില് ഉള്പ്പെടുത്തി അഭിവൃദ്ധിപ്പെടുത്തി ഉപരിതലം മെക്കാഡം ടാറിംഗ് ചെയ്യുന്ന പ്രവൃത്തി മന്ത്രി ജി.സുധാകരന് ഉദ്ഘാടനം ചെയ്തു.
ഏഴ് മീറ്റര് വീതിയിലാണ് മെക്കാഡം ടാറിംഗ്. സ്വാമിമുക്കില് നടന്ന ചടങ്ങില് സി.കൃഷ്ണന് എംഎല്എ അധ്യക്ഷത വഹിച്ചു. എം.രാജഗോപാലന് എംഎല്എ മുഖ്യാതിഥിയായി. കാങ്കോല്-ആലപ്പടമ്പ് ഗ്രാമപഞ്ചായത്ത് പ്രസിഡന്റ് പി.ഉഷ, കരിവെള്ളൂര്-പെരളം ഗ്രാമപഞ്ചായത്ത് പ്രസിഡന്റ് എം.രാഘവന്, കയ്യൂര്-ചീമേനി ഗ്രാമപഞ്ചായത്ത് പ്രസിഡന്റ് കെ. ശകുന്തള, കാങ്കോല്-ആലപ്പടമ്പ് ഗ്രാമപഞ്ചായത്ത് വൈസ് പ്രസിഡന്റ് കെ.എം.ബാലകേശവന് തുടങ്ങിയവര് സംബന്ധിച്ചു.
ആലപ്പടമ്പ്-പേരൂല്-മാതമംഗലം റോഡ് അഭിവൃദ്ധിപ്പെടുത്തല് മന്ത്രി ജി. സുധാകരന് ഉദ്ഘാടനംചെയ്തു. മാതമംഗലം ബസാറില് നടന്ന ചടങ്ങില് സി.കൃഷ്ണന് എംഎല്എ അധ്യക്ഷത വഹിച്ചു. എരമം-കുറ്റൂര് ഗ്രാമപഞ്ചായത്ത് പ്രസിഡന്റ് കെ.സത്യഭാമ, വൈസ് പ്രസിഡന്റ് അഡ്വ. കെ.പി.രമേശന്, പയ്യന്നൂര് ബ്ലോക്ക് പഞ്ചായത്തംഗം കെ. ജിഷ, ഗ്രാമപഞ്ചായത്ത് സ്ഥിരം സമിതി ചെയര്മാന് എം.ചന്ദ്രിക തുടങ്ങിയവര് സംബന്ധിച്ചു.
പയ്യന്നൂര്, കല്യാശേരി എന്നീ മണ്ഡലങ്ങളിലൂടെ കടന്നുപോകുന്ന പുന്നക്കടവ്- പുതിയ പുഴക്കര -ഏഴിമല-റെയില്വേ സ്റ്റേഷന്-ഏഴിലോട് റോഡിന്റെ പ്രവൃത്തി ഉദ്ഘാടനം മന്ത്രി ജി.സുധാകരന് നിര്വഹിച്ചു.
രാമന്തളി കുന്നത്തെരുവില് നിന്നും കാരന്താട്, കുഞ്ഞിമംഗലം വഴി ഏഴിലോട് ദേശീയ പാതയില് എത്തിച്ചേരുന്ന 9.22 കിലോമീറ്റര് റോഡാണ് മെക്കാഡം ടാര് ചെയ്ത് നവീകരിക്കുന്നത്. സി കൃഷ്ണന് എംഎല്എ അധ്യക്ഷത വഹിച്ചു. കല്യാശ്ശേരി ടി.വി.രാജേഷ് എംഎല്എ മുഖ്യാതിഥിയായി.
