തളിപ്പറമ്പ്: ലോണ് തരാമെന്ന് വാഗ്ദാനം നല്കി മെമ്പര്ഷിപ്പ് ഫീ അടച്ചെങ്കിലും നല്കിയില്ലെന്നും അടച്ച മെമ്പര്ഷിപ്പ് ഫീ തിരികെ നല്കിയില്ലെന്നും കാണിച്ച് സഹകരണ അസിസ്റ്റന്റ് രജിസ്ട്രാര്ക്ക് പരാതി നല്കി. സഹകാരിയും പൂമംഗലം സ്വദേശിയുമായ ടി.വി.മമ്മുവാണ് പൂവത്ത് പ്രവര്ത്തിക്കുന്ന തളിപ്പറമ്പ് ഫാര്മേഴ്സ് വെല്ഫെയര് സൊസൈറ്റിക്കെതിരെ പരാതി നല്കിയത്. അമ്പതിനായിരം രൂപ വായ്പ ആവശ്യപ്പെട്ട മമ്മുവിനോട് വായ്പതരാമെന്ന് സമ്മതിക്കുകയും അഞ്ഞൂറ് രൂപ മെമ്പര്ഷിപ്പ് ഫീസ് അടക്കാന് നിര്ദ്ദേശിക്കുകയും ചെയ്തു. 2017 ഡിസംബറിലാണ് തുക അടച്ചത്. പിന്നീട് ലോണ് 2018 മാര്ച്ച് മാസത്തില് തരാമെന്ന് പറഞ്ഞെങ്കിലും തന്നില്ലെന്നും പരാതിയില് പറയുന്നു. എന്നാല് അടച്ച 500 രൂപ മെമ്പര്ഷിപ്പ് ഫീ തിരികെ ആവശ്യപ്പെട്ടെങ്കിലും തന്നില്ലെന്നാണ് പരാതി. പ്രശ്നത്തിന് പരിഹാരമായില്ലെങ്കില് കോടതിയെയോ ലീഗല് സര്വ്വീസ് അതോറിറ്റിയേയോ സമീപിക്കുമെന്നും പരാതിയില് പറയുന്നു. എന്നാല് പി.പി.മമ്മു രേഖാമുലം മെമ്പര്ഷിപ്പ് ഫീസ് തിരികെചോദിച്ചിട്ടില്ലെന്നും മൂന്ന് വര്ഷം കഴിയാതെ തുക തിരിച്ചുനല്കാന് കഴിയില്ലെന്നും സൊസൈറ്റി അധികൃതര് അറിയിച്ചു.
ലോണ് വാഗ്ദാനം: അസി.രജിസ്ട്രാര്ക്ക് പരാതി നല്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.