ശ്രീകണ്ഠാപുരം: ചെമ്പേരി നിര്മ്മല ഹയര് സെക്കണ്ടറി സ്കൂളിലെ ഗൈഡ് യൂണിറ്റ് വോളണ്ടിയര്മാരായ വിദ്യാര്ത്ഥിനികള് ലഹരിവിരുദ്ധ സന്ദേശമുയര്ത്തി ചെമ്പേരി ടൗണില് ഫഌഷ് മോബ് അവതരിപ്പിച്ചു. ഇന്ന് ആധുനിക തലമുറ നേരിടുന്ന ഏറ്റവും വലിയ വിപത്തായ ലഹരി വസ്തുക്കളുടെ ഉപയോഗം യുവതലമുറയെ കുറ്റകൃത്യങ്ങളിലേക്കും, മൂല്യച്യുതിയിലേക്കും നയിച്ചുകൊണ്ടിരിക്കുന്ന സാഹചര്യത്തില് ലഹരിക്കെതിരായ ബോധവല്ക്കരണമെന്ന നിലയിലാണ് വിദ്യാര്ത്ഥിനികള് ഫഌഷ് മോബ് അവതരിപ്പിച്ചത്. തങ്ങള് ഒരിക്കലും ലഹരി വസ്തുക്കള് ഉപയോഗിക്കില്ലെന്നും മറ്റുള്ളവരെ അവയുടെ ഉപയോഗത്തില് നിന്നും പിന്തിരിപ്പിക്കുമെന്നും എല്ലാ വിദ്യാര്ത്ഥികളും ചേര്ന്ന് പ്രതിജ്ഞയെടുത്തു. സ്കൂള് പ്രിന്സിപ്പാള് മാത്യൂ ജോസഫ്, ഗൈഡ് ക്യാപ്റ്റന് സലീഷ്യ റോസ് തോമസ്, മറ്റ് അധ്യാപകര് തുടങ്ങിയവര് നേതൃത്വം നല്കി. ടൗണിലെ വ്യാപാരികള് ഓട്ടോടാക്സി തൊഴിലാളികള്, ഹോം ഗാര്ഡ് മാത്യൂ വരമ്പത്ത് എന്നിവരുടെ സഹായ സഹകരണവും വിദ്യാര്ത്ഥികള്ക്ക് ലഭിച്ചിരുന്നു.
ലഹരി വിരുദ്ധ സന്ദേശങ്ങളുമായി ഫ്ളാഷ് മോബ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.