മട്ടാഞ്ചേരി: ദ്രവീകൃത പ്രകൃതി വാതകം കിട്ടാഞ്ഞ് സിഎന്ജി ഓട്ടോകള് പ്രതിസന്ധിയില്. ആവശ്യത്തിന് സിഎന്ജി പമ്പുകളില്ലാത്തതാണ് പ്രശ്നം. പല സംസ്ഥാനങ്ങൡലും വിജയമാണ് സിഎന്ജി ഓട്ടോ സര്വീസ് പദ്ധതി. പരിസ്ഥിതി സൗഹൃദമാണ്, ലാഭകരം ജനോപകാരപ്രദം. തൊഴിലാളി കള്ക്ക് കുറഞ്ഞ ചെലവില് കൂടുതല് ഇന്ധന ക്ഷമതയോടെ നേട്ടമുണ്ടാക്കാം.
കുറഞ്ഞ യാത്രച്ചെലവ് തുടങ്ങി പലതരം നേട്ടമാണ് സിഎന്ജി ഓട്ടോയുടെത്. ഒരു കിലോ സിഎന്ജിക്ക് 53 രൂപയാണ് നിരക്ക്. 50 കിലോമീറ്റര് ഇന്ധനക്ഷമത ഏറെനേട്ടമാണ്. ഒരു കിലോമീറ്ററിന് പെട്രോള് വാഹനത്തിന് അഞ്ച് രൂപയും ഡീസലിന് മൂന്നര രൂപയുമാണ് ചെലവ് വരുന്നത്. സിഎന്ജിക്കിത് ഒന്നര രൂപയി ലും താഴെമാത്രമാണെന്ന് ഓട്ടോ തൊഴിലാളികളും പറയുന്നു.
കഴിഞ്ഞ ഫെബ്രുവരിയില് 20 ഓട്ടോകളുമായി സര്വ്വീസ് തുടങ്ങിയ കൊച്ചി നിരത്തുകളില് ഇന്ന് 700-800 ഓട്ടോകളുണ്ട്. നഗരത്തിലാകെ സിഎന്ജി പമ്പുകള് ആറെണ്ണം മാത്രവും. ഇത് മൂലം പല സിഎന്ജി ഓട്ടോകള്ക്കും നഗര മേഖലയിലും ദീര്ഘദൂര യാത്ര ഉപേക്ഷിക്കേണ്ടി വരുന്നുണ്ടെന്ന് ഓട്ടോ തൊഴിലാളികള് പറയുന്നു.
തുടക്കത്തില് പ്രതിദിനം 200 കിലോ സിഎന്ജിയായിരുന്നു ഉപയോഗം. ഇന്ന് 3500 കിലോ ആയി. കൊച്ചി നഗര മേഖലയില് കൂടുതല് സി എന്ജി പമ്പുകള് തുറക്കുന്നതിന് അധികൃതര് നടപടികള് സ്വീകരിക്കണമെന്ന് ഓട്ടോ തൊഴിലാളികള് ആവശ്യപ്പെടുന്നു. അപ്പോള് കുടുതല് സിഎന്ജി ഓട്ടോകള് സര്വീസ് നടത്തും.
