തിരുവനന്തപുരം: കലാച്ചി- സിന് കോപ്പിയടി വിവാദത്തില് എഴുത്തുകാരി കെ ആര് മീര ഹരിത സാവിത്രിക്ക് വക്കീല് നോട്ടീസ് അയച്ചു. ഫേസ്ബുക്ക് പോസ്റ്റിലൂടെ കെ ആര് മീര തന്നെയാണ് ഇക്കാര്യം വെളിപ്പെടുത്തിയത്.
ഹരിത ഉയര്ത്തിയ ആരോപണങ്ങളും ആക്ഷേപങ്ങളും സമൂഹത്തില് അവമതിപ്പ് ഉണ്ടാക്കിയെന്നാണ് കെ ആര് മീര ആരോപിക്കുന്നത്. സിന് രചിച്ച ഹരിതാ സാവിത്രിയുടെ ഫേസ്ബുക്ക് പോസ്റ്റിന് പിന്നാലെയാണ് കോപ്പിയടി വിവാദം ചൂടുപിടിച്ചത്. കാമുകനെ തേടി വിദേശത്തെ സംഘര്ഷ മേഖലയിലെത്തുന്ന യുവതിയുടെ കഥയാണ് നോവലുകളില് പറയുന്നത്.
കസാക്കിസ്ഥാനിലെ കലാച്ചിയിലെ കഥ കെ ആര് മീര പറയുന്നു. കൂര്ദിനിലെ കഥയാണ് ഹരിത സാവിത്രിയുടേത്.2022 ലാണ് സിന് പുറത്തിറങ്ങിയത്.2023 ല് പുസ്തകത്തിന് കേരള സാഹിത്യ അക്കാദമി പുരസ്കാരം കിട്ടി. കെ ആര് മീരയുടെ കലാച്ചി പുറത്തിറങ്ങിയത് 2025 ലാണ് .എന്നാല് 2020 ല് തന്നെ പുസ്തകത്തിന്റെ ആദ്യഭാഗങ്ങള് ഒരു ഓണ്ലൈന് മാധ്യമത്തില് പ്രസിദ്ധീകരിച്ചെന്നാണ് കെ ആര് മീരയുടെ വാദം. എന്നാല് ഇതിനെ ഹരിത സാവിത്രി തള്ളി.
