പൂനെ: ഫിലിം ഇന്സ്റ്റിറ്റ്യൂട്ട് മേധാവി സ്ഥാനം നടന് അനുപം ഖേര് രാജി വച്ചു. . ട്വിറ്ററിലൂടെയാണ് അനുപം ഖേര് ഇക്കാര്യം അറിയിച്ചത്. ഇന്ഫര്മേഷന് ബ്രോഡ്കാസ്റ്റിങ്ങ് മിനിസ്റ്റര്, രാജ്യവര്ധന് സിങ് റാത്തോഡിനയച്ച രാജിക്കത്തിന്റെ കോപ്പിയും ടിറ്ററിലൂടെ പങ്കു വെച്ചിട്ടുണ്ട്.
2017ലാണ് അനുപം ഖേര് ഫിലിം ഇന്സ്റ്റിറ്റ്യൂട്ട് മേധാവിയാകുന്നത്. രാജി മന്ത്രി രാജ്യവര്ദ്ധന് സിങ് റാത്തോഡ് സ്വീകരിച്ചു. അന്താരാഷ്ട്ര പരിപാടിയില് പങ്കെടുക്കേണ്ടതിനാലാണ് താന് രാജി വെക്കുന്നതെന്നാണ് വിശദീകരണം. അടുത്ത 9 മാസത്തോളം അമേരിക്കയിലാണ് പരിപാടി നടക്കുന്നതെന്നും അദ്ദേഹം വ്യക്തമാക്കിയിട്ടുണ്ട്.
മുന് ചെയര്മാന് ഗജേന്ദ്ര ചൗഹാന്റെ കാലാവധി 2017 മാര്ച്ചില് അവസാനിച്ചതിനെത്തുടര്ന്നാണ് അനുപം ഖേറിനെ ഫിലിം ഇന്സ്റ്റിറ്റ്യൂട്ട് മേധാവിയായി നിയമിച്ചത്. അനുപം ഖേര് നേരത്തെ കേന്ദ്ര സെന്സര്ബോര്ഡ് ചെയര്മാന്, സ്കൂള് ഒഫ് ഡ്രാമാ ചെയര്മാന് എന്നീ സ്ഥാനങ്ങളും വഹിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: