ന്യൂദല്ഹി: എയര്സെല് മാക്സിസ് അഴിമതി കേസില് കോണ്ഗ്രസ് നേതാവും മുന് കേന്ദ്രമന്ത്രിയുമായിരുന്ന പി.ചിദംബരത്തെ ഒന്നാം പ്രതിയാക്കി എന്ഫോഴ്സ്മെന്റ് ഡയറക്ടറേറ്റ് അനുബന്ധ കുറ്റപത്രം സമര്പ്പിച്ചു. ചിദംബരം ഉള്പ്പടെ ഒമ്പത് പേരാണ് പ്രതിപ്പട്ടികയിലുള്ളത്. കേസ് വീണ്ടും നവംബര് 26ന് പരിഗണിക്കും.
വിദേശത്തുനിന്ന് 305 കോടി രൂപയുടെ ഫണ്ട് ലഭിക്കുന്നതിനായി മാധ്യമസ്ഥാപനമായ ഐഎന്എക്സ് മീഡിയയ്ക്ക് വിദേശനിക്ഷേപ പ്രോത്സാഹന ബോര്ഡിന്റെ (എഫ്ഐപിബി) ക്ലിയറന്സ് നല്കുന്നതില് ക്രമക്കേടു നടന്നതുമായി ബന്ധപ്പെട്ടാണ് കേസ്.
കേസുമായി ബന്ധപ്പെട്ട് ഫണ്ട് സ്വീകരിച്ചതിന് ചിദംബരത്തിന്റെ മകന് കാര്ത്തി ചിംദംബരത്തെയും അറസ്റ്റ് ചെയ്തിരുന്നു. പിന്നീട് ജാമ്യത്തില് വിട്ടയച്ചു. ഐഎന്എക്സ് മീഡിയ ഡയറക്ടര് ഇന്ദ്രാണി മുഖര്ജി, അന്നത്തെ ഡയറക്ടര് പീറ്റര് മുഖര്ജി എന്നിവരാണ് മറ്റ് പ്രതികള്.
ജൂലൈ 19നായിരുന്നു സിബിഐ എയര്സെല്മാക്സിസ് കേസില് കുറ്റപത്രം സമര്പ്പിച്ചത്.
