ചെറുപുഴ: മുപ്പത്തിനാലാമത് സംസ്ഥാന യൂത്ത് വോളിബോള് ടൂര്ണ്ണമെന്റ് ഡിസംബര് 22 മുതല് 28 വരെ ചിറ്റാരിക്കാലില് തോമാപുരം സെന്റ് തോമസ് ഹയര് സെക്കന്ററി സ്കൂള് ഗ്രൗണ്ടില് നടക്കും. ജില്ലാ സംസ്ഥാന വോളിബോള് അസോസിയേഷന്റെ സഹകരണത്തോടെ കാസര്ഗോഡ് ജില്ല ടിംബര് മര്ച്ചന്റ് അസോസിയേഷനും, തോമാപുരം വോളിബോള് അക്കാദമിയും സംയുക്തമായാണ് ചാമ്പ്യന്ഷിപ്പിന് ആഥിത്യമരുളുന്നത്. സംഘാടകസമിതി രൂപീകരണ യോഗം ചിറ്റാരിക്കാല് വ്യാപാരഭവന് ഓഡിറ്റോറിയത്തില് നടന്നു. എം.രാജഗോപാലന് എംഎല്എ ഉദ്ഘാടനം ചെയ്തു. ഈസ്റ്റ്എളേരി പഞ്ചായത്ത് പ്രസിഡന്റ് ജെസി ടോം അധ്യക്ഷത വഹിച്ചു. കാസര്ഗോഡ് ജില്ലാ പഞ്ചായത്ത് വൈസ് പ്രസിഡന്റ് ശാന്തമ്മ ഫിലിപ്പ്, ഈസ്റ്റ്എളേരി പഞ്ചായത്ത് വൈസ് പ്രസിഡന്റ് ജെയിംസ് പന്തമാക്കല്, പഞ്ചായത്ത് സ്ഥിരം സമിതി ചെയര്പേഴ്സണ് ലിന്സിക്കുട്ടി സെബാസ്റ്റ്യന്, കാസര്ഗോഡ് ജില്ലാ വോളിബോള് അസോസിയേഷന് പ്രസിഡന്റ് പി.വി.വിജയമോഹന്, സെക്രട്ടറി ജയന് വെള്ളിക്കോത്ത്, സാബു എബ്രാഹം, ഷിജു നഗരൂര്, അഡ്വ.പി.വേണുഗോപാല്, ഫിലിപ്പ് ജെ.ഓടയ്ക്ക്ക്കല്, ശ്രീനിവാസന് പ്രാപ്പോയില്, ജോസ് പാറത്തട്ടേല്, ബിജു ഇലഞ്ഞിമറ്റം എന്നിവര് പ്രസംഗിച്ചു.
സംസ്ഥാന യൂത്ത് വോളിബോള് ടൂര്ണ്ണമെന്റ് ഡിസംബര് 22 മുതല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.