കോഴിക്കോട്: സംസ്ഥാനത്ത് വടക്കന് ജില്ലകളില് ശക്തമായ മഴ. കണ്ണൂര്, കോഴിക്കോട്, വയനാട്, മലപ്പുറം, കാസര്കോട്, ജില്ലകളിലാണ് ശക്തമായ മഴ രേഖപ്പെടുത്തിയത്. കോഴിക്കോട് നഗരത്തില് രാത്രി മൂന്ന് മണിക്കൂര് കൊണ്ട് 9.91 മില്ലി മീറ്റര് മഴ പെയ്തതായാണ് സ്വകാര്യ കാലാവസ്ഥാ നിരീക്ഷകരായ സ്കൈമെറ്റ് റിപ്പോര്ട്ട് ചെയ്യുന്നത്. മഴയെ തുടര്ന്ന് നഗരത്തില് പലയിടത്തും വെള്ളം കയറിയിട്ടുണ്ട്.
കനത്തമഴയിലും കാറ്റിലും കാസര്കോട് വ്യാപക നാശ നഷ്ടമുണ്ടായി. നിരവധി കെട്ടിടങ്ങളും മരങ്ങളും തകന്ന് വീണു. അരമണിക്കൂര് നേരമാണ് മഴപെയ്തത്. കനത്ത കാറ്റില് കെട്ടിടങ്ങളുടെ മേല്ക്കൂര തകര്ന്നു. ഒരു മൊബൈല് ടവറും കാറ്റില് നിലംപതിച്ചു. പലയിടത്തും മരങ്ങള് വീണ് ഗതാഗതം തടസപ്പെട്ടു.
