പിലാത്തറ: പാരമ്പര്യധര്മ്മാചരണത്തിനായി വിശ്വാസനിര കെട്ടിപ്പടുക്കുമെന്ന് ചെറുതാഴത്ത് നടന്ന ഹൈന്ദവാചാര സംരക്ഷണസദസ്സ് പ്രഖ്യാപിച്ചു. ശബരിമലയില് യുവതീ പ്രവേശനവുമായി ബന്ധപ്പെട്ട സുപ്രീം കോടതിവിധിയുടെ പശ്ചാത്തലത്തില് ചെറുതാഴം ശ്രീരാഘവപുരം സഭായോഗത്തിന്റെ നേതൃത്വത്തിലാണ് ഹൈന്ദവ സമുദായങ്ങളുടെയും ക്ഷേത്രങ്ങളുടേയും സാംസ്കാരികസംഘടനകളുടേയും പ്രതിനിധികളുടെ കൂട്ടായ്മയില് ഹൈന്ദവാചാരസംരക്ഷണസദസ്സ് നടന്നത്.
ഓരോ ക്ഷേത്രത്തിലേയും സവിശേഷമായ ആചാരങ്ങളും വേദപ്രാമാണ്യമുള്ള ആശൗചവ്യവസ്ഥകളും ആഴത്തില് പഠിക്കാതെ നിയമം വഴി മാറ്റുന്നത് ശരിയല്ലെന്ന് യോഗം ചൂണ്ടിക്കാട്ടി. തുടര്നിയമ നടപടികള്ക്കായി വിശ്വാസികളുടെ കര്മ്മസമിതി രൂപീകരിച്ച് രംഗത്തിറങ്ങാന് യോഗം തീരുമാനിച്ചു.
ഭാഗവതാചാര്യന് കവി ഡോ.കാരക്കാട് കേശവന് നമ്പൂതിരി ഭദ്രദീപം കൊളുത്തി. സ്ക്വാഡ്രന് ലീഡര് പി.ചന്തുക്കുട്ടി ഉദ്ഘാടനം ചെയ്തു. ഡോ. വാരണക്കോട് ഗോവിന്ദന് നമ്പൂതിരി അധ്യക്ഷത വഹിച്ചു. വിശ്വസംസ്കൃതപ്രതിഷ്ഠാനം സംസ്ഥാന ഉപാദ്ധ്യക്ഷന് ഡോ.ഇ.എന്.ഈശ്വരന് നമ്പൂതിരി മുഖ്യപ്രഭാഷണം നടത്തി. എ.വി.കേശവന്, മരങ്ങാട് ഉണ്ണി നമ്പൂതിരി എന്നിവര് കോടതിവിധിയുടെ വിവിധ വശങ്ങള് വിശദീകരിച്ചു. മുന് ബദരീനാഥ് റാവല്ജി പാച്ചമംഗലം ശ്രീധരന് നമ്പൂതിരി ആചാരസംരക്ഷണപ്രമേയം അവതരിപ്പിച്ചു.
മംഗലം വാസുദേവന് നമ്പൂതിരി, വി.എം.കൃഷ്ണകുമാര്, വി.വി.ശ്രീനിവാസവാരിയര്, പി.ഒ അശോക് കുമാര്, ഡി.ഗംഗാധരന്, കെ.മോഹനന്, കെ.ദാമോദര മാരാര്, മാടമന ശങ്കരനാരായണന് നമ്പൂതിരി, കെ.പി.ചന്ദ്രാംഗദന് എന്നിവര് സംസാരിച്ചു. ആചാര സംരക്ഷണ സഭയില് പെരുമ്പ സാവിത്രി അന്തര്ജ്ജനം, മോഹനന് കുഞ്ഞിമംഗലം, കുന്നം ജയകൃഷ്ണന് നമ്പൂതിരി, പുതുക്കുളം ശങ്കരന് നമ്പൂതിരി, എം.ജി.വിനോദ്, പാണപ്പുഴ പത്മനാഭപ്പണിക്കര്, കെ.വി.സുരേന്ദ്രന്, ചെറുതാഴം രാമചന്ദ്രന്, പി.നാരായണന്കുട്ടി എന്നിവര് സംസാരിച്ചു. ആചാര സംരക്ഷണ കൂട്ടായ്മയ്ക്ക് പി.പി.കേശവന്, മോഹനമാരാര്, കെ.പി.ഹരി നമ്പൂതിരി, കെ.വി. ഗോകുലാനന്ദന് എന്നിവര് നേതൃത്വം നല്കി
