തിരുവനന്തപുരം: സംസ്ഥാനത്തെ പത്ത് ജില്ലകളിലെ 20 തദ്ദേശസ്വയംഭരണ വാര്ഡുകളില് ഒക്ടോബര് 11ന് ഉപതെരഞ്ഞെടുപ്പ് നടക്കുമെന്ന് സംസ്ഥാന തെരഞ്ഞെടുപ്പ് കമ്മീഷണര് വി. ഭാസ്കരന് അറിയിച്ചു.
തിരുവനന്തപുരം, കൊല്ലം, ഇടുക്കി, എറണാകുളം, തൃശൂര്, പാലക്കാട്, കോഴിക്കോട്, കണ്ണൂര് ജില്ലകളിലെ 16 ഗ്രാമപഞ്ചായത്ത് വാര്ഡുകളിലും മലപ്പുറം, കണ്ണൂര് ജില്ലകളിലെ ഓരോ ബ്ലോക്ക് പഞ്ചായത്ത് വാര്ഡുകളിലും വയനാട്, കണ്ണൂര് ജില്ലകളിലെ ഓരോ നഗരസഭാ വാര്ഡുകളിലുമാണ് ഉപതെരഞ്ഞെടുപ്പ്.
മാതൃകാപെരുമാറ്റച്ചട്ടം നിലവില് വന്നു. തെരഞ്ഞെടുപ്പ് വിജ്ഞാപനം ഈ മാസം 15ന് പുറപ്പെടുവിക്കും, നാമനിര്ദേശ പത്രിക 22 വരെ സമര്പ്പിക്കാം. സൂക്ഷ്മപരിശോധന 24ന് നടക്കും. നാമനിര്ദേശ പത്രിക പിന്വലിക്കാനുള്ള അവസാന ദിവസം 26 ആണ്. വോട്ടെടുപ്പ് ഒക്ടോബര് 11ന് രാവിലെ ഏഴിന് ആരംഭിച്ച് വൈകിട്ട് അഞ്ചിന് അവസാനിക്കും. വോട്ടെണ്ണല് 12ന് രാവിലെ 10ന് ആരംഭിക്കും.
