തിരുവനന്തപുരം: ഈ വര്ഷത്തെ ഓണപ്പരീക്ഷ മാറ്റിവച്ചു. ഒന്നുമുതല് പത്തുവരെയുള്ള ക്ലാസുകളിലെ ഒന്നാ പാദ വാര്ഷിക സ്കൂള് പരീക്ഷകളാണ് മാറ്റിവച്ചത്. പുതുക്കിയ തീയതി പിന്നീട് അറിയിക്കുമെന്ന് പൊതുവിദ്യാഭ്യാസ ഡയറക്ടര് അറിയിച്ചു.
സമാനതകളില്ലാത്ത പ്രളയക്കെടുതികള് മൂലം സംസ്ഥാനത്തെ സ്കൂളുകളിലെ നിരവധി പ്രവര്ത്തി ദിനങ്ങള് നഷ്ടമായതാണ് പരീക്ഷകള് മാറ്റാന് കാരണമായത്. കാസര്കോട് ഒഴികെയുള്ള എല്ലാ ജില്ലകളിലുമുള്ള പ്രൊഫഷണല് കോളേജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് വ്യാഴാഴ്ച അവധി പ്രഖ്യാപിച്ചിട്ടുണ്ട്. എറണാകുളം ജില്ലയില് 17നും അവധിയാണ്.
കേരള സര്വകലാശാല നാളെയും മറ്റന്നാളും നടത്താനിരുന്ന പരീക്ഷകളും മാറ്റി വച്ചു. കുസാറ്റ് വ്യാഴം,വെള്ളി, ശനി ദിവസങ്ങളില് നടത്താനിരുന്ന പരീക്ഷകള് മാറ്റിവെച്ചു. കണ്ണൂര് സര്വകലാശാല വ്യാഴാഴ്ച നടത്താനിരുന്ന പരീക്ഷയും മാറ്റി വച്ചിച്ചുണ്ട്. കേരളാ സര്വ്വകലാശാല ഓഗസ്റ്റ് 16,17, 18 തീയതികളില് നടത്താനിരുന്ന എല്ലാ പരീക്ഷകളും മാറ്റിയിട്ടുണ്ട്.
ഐടിഐ അഖിലേന്ത്യ ട്രേഡ് ടെസ്റ്റ് പരീക്ഷകളും മാറ്റി വച്ചു. കൊച്ചി ശാസ്ത്ര സാങ്കേതിക സര്വ്വകളാശാല വ്യാഴം, വെള്ളി, ശനി ദിവസങ്ങളില് നടത്താനിരുന്ന പരീക്ഷകളും മാറ്റി വെച്ചു. പുതുക്കിയ തീയതികള് പിന്നീട് അറിയിക്കും.
