കണ്ണൂര്: ആലപ്പുഴയിലെ ദുരിതാശ്വാസ ക്യാമ്പില് പട്ടിക ജാതിക്കാരോടൊപ്പം ഭക്ഷണം നല്കിയതിനെ തുടര്ന്ന് ചില വിഭാഗക്കാര് മാറി താമസിച്ചതില് മണ്ണാന് വണ്ണാന് സമുദായ സംഘം(എംവിഎസ്എസ്) പ്രതിഷേധിച്ചു. സംവരണ സീറ്റില് മത്സരിച്ച് ജയിച്ച പ്രാദേശിക നേതാവും ഇവര്ക്ക് അനുകൂലമായി ഇടപെട്ടതിനെതിരെ പട്ടിക ജാതിപട്ടിക വര്ഗ വകുപ്പിന്റെ നടപടി വേണമെന്നും ഇവര് പറഞ്ഞു.
പട്ടിക ജാതിയില്പ്പെട്ട വിദ്യാര്ത്ഥികള്ക്ക് നല്കുന്ന ഇ-ഗ്രാന്റ് ഉടന് വിതരണം ചെയ്യുക, രണ്ടു വര്ഷത്തിലധികമായി കേന്ദ്ര സര്ക്കാര് പട്ടിക ജാതിയില് ഉള്പ്പെടുത്തിയ പെരുവണ്ണാന് സമുദായത്തെ പിഎസ്സിയില് ഉള്പ്പെടുത്തുക എന്നീ ആവശ്യങ്ങളും കണ്ണൂരില് നടന്ന സംസ്ഥാന സമ്മേളനം ആവശ്യപ്പെട്ടു.
സണ്ണി ജോസഫ് എംഎല് എ ഉദ്ഘാടനം ചെയ്തു. സംസ്ഥാന വൈസ് പ്രസിഡന്റ് എം.പി.രവീന്ദ്രന് അദ്ധ്യക്ഷത വഹിച്ചു. വത്സന് അത്തിക്കല്, പി.കെ.ശശിധരന്, എന്.പി.ശ്രീധരന്, കെ.ഷിജിത്, സുകുമാരന് തുടങ്ങിയവര് സംസാരിച്ചു. ഗോവിന്ദന് മയ്യില് സ്വാഗതവും കെ. മോഹനന് നന്ദിയും പറഞ്ഞു.
