ചെന്നൈ: അന്തരിച്ച തമിഴ്നാട് മുന് മുഖ്യമന്ത്രി എം.കരുണാനിധിക്ക് അന്തിമോപചാരമര്പ്പിച്ച് പ്രമുഖര്. ചെന്നൈയിലെ രാജാജി ഹാളില് പൊതുദര്ശനത്തിനു വച്ചിരിക്കുന്ന മൃതദേഹത്തില് തമിഴ്നാട് മുഖ്യമന്ത്രി എടപ്പാടി.കെ.പളനിസ്വാമി, ഉപമുഖ്യമന്ത്രി ഒ.പനീര്സെല്വം, നടന്മാരായ പ്രഭു, രജനീകാന്ത്, അജിത് ഭാര്യ ശാലിനി, സൂര്യ, കാര്ത്തി, നടി ഖുശ്ബു, കേരള മുന് മുഖ്യമന്ത്രി ഉമ്മന് ചാണ്ടി, കവി വൈരമുത്തു തുടങ്ങി നിരവധിപ്പേരാണ് ആദരാജ്ഞലികള് അര്പ്പിക്കാന് ഇവിടെയെത്തിയത്.
കേരളവുമായി അടുത്ത ബന്ധം പുലര്ത്തിയിരുന്ന വ്യക്തിയായിരുന്നു കരുണാനിധിയെന്നും അദ്ദേഹത്തിന്റെ മരണം വലിയ നഷ്ടമാണ് ഉണ്ടാക്കിയിരിക്കുന്നതെന്നും ഉമ്മന് ചാണ്ടി അനുസ്മരിച്ചു. കരുണാനിധിക്ക് അന്തിമോപചാരമര്പ്പിക്കുന്നതിനായി പ്രധാനമന്ത്രി നരേന്ദ്ര മോദി ചെന്നൈയിലേക്ക് തിരിച്ചെന്നാണ് വിവരം. കോണ്ഗ്രസ് അധ്യക്ഷന് രാഹുല് ഗാന്ധിയും ഇന്ന് ചെന്നൈയിലെത്തി ആദരാജ്ഞലികള് അര്പ്പിക്കും.
പ്രതികരിക്കാൻ ഇവിടെ എഴുതുക: