ന്യൂദൽഹി: ദൽഹി എയിംസിൽ ചികിത്സയിൽ കഴിയുന്ന ആരാധ്യനായ മുൻ പ്രധാനമന്ത്രി അടൽ ബിഹാരി വാജ്പേയിയുടെ ആരോഗ്യത്തിനു വേണ്ടി പ്രാർത്ഥനയിൽ മുഴുകിയിരിക്കുകയാണ് ബിജെപി പ്രവർത്തകർ. അദ്ദേഹം ആരോഗ്യവാനായിരിക്കാൻ പ്രത്യേക പൂജകളും ചടങ്ങുകളുമായി കഴിയുകയാണ് കാൺപൂരിലെ ഒരു കൂട്ടം ബിജെപി പ്രവർത്തകർ.
ഏറെ നാളായി അസുഖബാധിതനായിരുന്ന അദ്ദേഹത്തെ കഴിഞ്ഞ ദിവസമാണ് ദൽഹിയിലെ എയിംസിൽ പ്രവേശിപ്പിച്ചത്. അതേ സമയം അദ്ദേഹത്തിന് ഗുരുതരമായ പ്രശ്നങ്ങൾ ഇല്ലെന്നും ആരോഗ്യാവസ്ഥ മെച്ചമാണെന്നും ഡോക്ടർമാർ അറിയിച്ചിട്ടുണ്ട്. ഇതിനോടകം നിരവധി പരിശോധനകൾ നടത്തി. ഇപ്പോൾ മൂത്രസംബന്ധമായ പ്രശ്നങ്ങളാണ് നിലനിൽക്കുന്നതെന്നും അതിനായിട്ടുള്ള ചികിത്സകൾ നടക്കുന്നുണ്ടെന്നും മെഡിക്കൽ റിപ്പോർട്ടിൽ പറയുന്നു.
തിങ്കളാഴ്ച വൈകീട്ട് പ്രധാനമന്ത്രി നരേന്ദ്രമോദി ബിജെപി ദേശീയ അധ്യക്ഷൻ അമിത് ഷാ ആരോഗ്യമന്ത്രി ജെപി നദ്ദ എന്നിവർ ആശുപത്രിയിൽ എത്തി അദ്ദേഹത്തെ സന്ദർശിച്ചിരുന്നു. ബിജെപി നേതാക്കൾക്ക് പുറമെ കോൺഗ്രസ് അധ്യക്ഷൻ രാഹുൽ ഗാന്ധിയും അദ്ദേഹത്തെ സന്ദർശിക്കാനെത്തിയിരുന്നു.
പ്രതികരിക്കാൻ ഇവിടെ എഴുതുക: