തിരുവനന്തപുരം: ആലുവയില് ഉസ്മാന് എന്ന യുവാവിന്റെ താടിയെല്ല് തല്ലിതകര്ത്ത പോലീസ് സംഘത്തില് സസ്പെന്ഷനിലായിരുന്ന എസ്.ഐയും ഉണ്ടായിരുന്നുവെന്ന് കെ.സി ജോസഫ് എംഎല്എ. പ്രതിയെ പിടിക്കാന് പോയ പോലീസ് സംഘമാണെന്ന് പറയുന്നതില് ദുരൂഹതയുണ്ടെന്നും അദ്ദേഹം പറഞ്ഞു.
മഫ്തിയില് സ്വകാര്യ വാഹനത്തില് പ്രതിയെ പിടിക്കാന് പോയി എന്നാണ് പറയുന്നത്. പ്രതിയെ പിടിക്കാന് എന്തിനാണ് മഫ്തിയില് പോകുന്നത്. ആ സംഘത്തില് എങ്ങനെ സസ്പെന്ഷനിലായ എസ്.ഐയും വന്നുവെന്നും കെ.സി ജോസഫ് ചോദിച്ചു. റംസാന് നോമ്പിനായി ഗള്ഫില് നിന്ന് എത്തിയ യുവാവിനാണ് പോലീസിന്റെ മര്ദ്ദനമേറ്റതെന്നും കെ.സി ജോസഫ് പറഞ്ഞു.
മീഡിയ റൂമില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
