കൊച്ചി: വൈദ്യുതി വകുപ്പുമന്ത്രിയായിരിക്കെ പിണറായി വിജയന് പത്രസമ്മേളനത്തില് പങ്കെടുത്ത മാധ്യമപ്രവര്ത്തകര്ക്ക് ‘സമ്മാനം’ നല്കിയ പഴയ സംഭവം ചര്ച്ചയാകുന്നു. കമ്പിളിപ്പുതപ്പായിരുന്നു സമ്മാനം. വൈദ്യുതി വകുപ്പിന്റെ നേട്ടം പറയാന് വിളിച്ചതായിരുന്ന സമ്മേളനം.
മാധ്യമപ്രവര്ത്തനത്തെയും പ്രവര്ത്തകരേയും ഇപ്പോള് ധര്മവും ന്യായവും പറഞ്ഞ് വിമര്ശിക്കുന്ന പശ്ചാത്തലത്തില് പ്രതപ്രവര്ത്തകന് എം.എസ് സനിലാണ് പഴയ സംഭവം വിരിക്കുന്നത്. ഫേസ്ബുക് പോസ്റ്റില് സനില് എഴുതുന്നു:
”… പ്രസ് ക്ലബ്ബ് ഹാളില് നിറയെ പത്രക്കാരുണ്ട്. വൈകാതെ മന്ത്രിയും ഉദ്യോഗസ്ഥരുമെത്തി. മന്ത്രി ഡയസ്സില് ഇരുന്നു. നിറഞ്ഞ ചിരി. അറിയുന്ന പത്രക്കാരോട് കുശലാന്വേഷണം…നിറയെ സംസാരം… കൂടെവന്ന ഉദ്യോഗസ്ഥനോടായി പിണറായി.’ ആ കൊണ്ടുവന്ന സാധനം ഇവര്ക്ക് കൊടുക്ക്’. ഉദ്യോഗസ്ഥന് ഉടനെ പിറകിലേക്കോടി. വലിയ കെട്ടുകളുമായി പത്രക്കാര്ക്ക് അരികിലേക്ക്. ഓരോരുത്തര്ക്കും ഒരു കെട്ട് വീതം നല്കി. എനിക്കും കിട്ടി ഒരെണ്ണം. വീണ്ടും കുശലം പറഞ്ഞ് പിണറായി മടങ്ങി. ഞാന് പ്രസ് ക്ലബ്ബ് ഹാളിനു പുറത്തിറങ്ങി. ഒരു മൂലയ്ക്ക് മാറി നിന്ന്! കെട്ട് പൊട്ടിച്ചു. നല്ല ഭംഗിയുള്ള, വില കൂടിയ ഒരു കമ്പിളിപ്പുതപ്പ്.”
മുഖ്യമന്ത്രി, മുമ്പ് മന്ത്രിയായിരിക്കെ മാധ്യമങ്ങള്ക്ക് ‘സമ്മാനം’ നല്കിയത് പേയ്ഡ് ജേണലിസമോ, ധാര്മികമോ തുടങ്ങിയ ചോദ്യങ്ങള് ഉയര്ത്തുന്നതിനൊപ്പം പിണറായി മാധ്യമപ്രവര്ത്തകരോട് മുമ്പ് നല്ല ചങ്ങാത്തത്തിലായിരുന്നു എന്നു സ്ഥാപിക്കാനും ലക്ഷ്യമിട്ടാണ് പോസ്റ്റ്. വരും ദിവസങ്ങളില് ഇത് ചര്ച്ചയായേക്കും.
