തലശ്ശേരി: നഗര മധ്യത്തില് മുകന്ദ് ജംഗ്ഷനില് മൂന്ന് കടകളില് കവര്ച്ച. ചമ്പാട്ടെ കെ.പി.സജാദിന്റെ ഉടമസ്ഥതയിലുള്ള ട്രന്സ് സൈബോ മൊബൈല് ഷോപ്പിലും, സൈദാര് പള്ളി സ്വദേശി കെ.പി.മുത്തലിഫിന്റെ ഉടമസ്ഥതയിലുള്ള ക്യൂന്സ് ചൂരിദാര് ഷോപ്പിലും, പാലിശ്ശേരിയിലെ എ.കെ. ഇക്ബാലിന്റെ ഉടമസ്ഥതയിലുള്ള സെലക്ഷന് ഷൂമാര്ട്ടിലുമാണ് കവര്ച്ച നടന്നത്. ഇന്നലെ പുലര്ച്ചെ ഇത് വഴി സഞ്ചരിച്ച യാത്രക്കാരാണ് കടകളുടെ ഷട്ടറുകള് തുറന്നിട്ട നിലയില് കണ്ടതിനാല് പോലീസില് വിവരം നല്കിയത്. ഷൂമാര്ട്ടില് കവര്ച്ചക്കാരന് ഉപയോഗിച്ച ചെരിപ്പ് കടയില് ഉപേക്ഷിച്ച നിലയില് കണ്ടെത്തിയിട്ടുണ്ട്. ഇവിടെ ധര്മ്മടം ഡയാലിലീസ് കേന്ദ്രത്തിന്റെ സ്വാന്തനം സഹായ പെട്ടിയിലെ നിക്ഷേപമുള്പ്പെടെ എടുത്ത് കൊണ്ട് പോയിട്ടുണ്ട്. മൂന്ന് കടകളിലേയും ഷര്ട്ടുകള് തകര്ത്താണ് കവര്ച്ച നടത്തിയത്. കൂടുതല് വിലയുള്ള മൊബൈല് ഉള്പ്പെടെ കവര്ച്ച നടത്തിയിട്ടുണ്ട്. ഗ്ലാസ് കൗണ്ടര് അടിച്ച് തകര്ത്ത നിലയിലുമാണ്. തലശ്ശേരി പോലീസ് എത്തി പരിശോധന നടത്തി തുടര്ന്ന് വിരലടയാള വിദഗ്ദ്ധരും സംഭവസ്ഥലത്തെത്തി പരിശോധന നടത്തി.
നഗരത്തിലെ മൂന്ന് കടകളില് കവര്ച്ച
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.