മട്ടന്നൂര്: മട്ടന്നൂര് ടൗണ്സ്ക്വയര് നാടിന് സമര്പ്പിച്ചു. മന്ത്രി കടകംപള്ളി സുരേന്ദ്രന് ഉദ്ഘാടനം ചെയ്തു. ഇ.പി.ജയരാജന് എംഎല്എ അധ്യക്ഷത വഹിച്ചു. നഗരസഭാ ചെയര്മാന് അനിതാ വേണു, വൈസ്ചെയര്മാന് പി.പുരുഷോത്തമന്, പി.വി.ധനലക്ഷ്മി, എന്.വി.ചന്ദ്രബാബു, എം.ദാമോദരന്, ഇ.പി ഷംസുദ്ദീന്, രാജന് പുതുക്കുടി, കെ.എം.വിജയന് തുടങ്ങിയവര് സംസാരിച്ചു. ഫോക്ലോര് അക്കാദമിയുടെ നാടന്പാട്ടും പരിയാരം ഭൂമിക കലാവേദിയുടെ വിവിധ കലാപരിപാടികളും എക്സൈസ് വകുപ്പിന്റെ പാവ നാടകവും അരങ്ങേറി. കേരള ടൂറിസം വകുപ്പും ജില്ലാ ടൂറിസം പ്രമോഷന് കൗണ്സിലും മട്ടന്നൂര് ബസ്സ്റ്റാന്ഡിന് സമീപം ആംഫിതിയേറ്റര്, നടപ്പാത, കഫ്റ്റീരിയ, കുട്ടികളടെ പാര്ക്ക്, ഇരിപ്പിടങ്ങള്, മ്യൂറല് പെയിന്റിങ്, കോയ്ലെറ്റ് ബ്ലോക്ക് എന്നിവയോടെയാണ് ടൗണ്സ്ക്വയര് നിര്മിച്ചത്. ഹാബിറ്റാറ്റ് ടെക്നോളജി ഗ്രൂപ്പിനായിരുന്നു നിര്മാണച്ചുമതല. സാംസ്കാരിക പരിപാടികളും പൊതുയോഗങ്ങളും നടത്താനും നഗരത്തിലെത്തുന്നവര്ക്ക് വിശ്രമിക്കാനും ഉതകുന്ന രീതിയിലാണ് ടൗണ്സ്ക്വയര് നിര്മിച്ചത്.
മട്ടന്നൂര് ടൗണ്സ്ക്വയര് നാടിന് സമര്പ്പിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.